၁. ဝိဘင်္ဂဝါရော

နဟေတုပစ္စယော

၁၀၆. သဝိတက္ကံ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သဝိတက္ကံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (သဝိတက္ကမူလကာ အဝသေသာ ဒွေ ပဉှာ ကာတဗ္ဗာ၊ အဟေတုကံ နိန္နာနံ.) (၃)

အဝိတက္ကံ ဓမ္မံ ပဋိစ္စ အဝိတက္ကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အဝိတက္ကံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ အဟေတုကံ ဝိတက္ကံ ပဋိစ္စ စိတ္တသမုဋ္ဌာနံ ရူပံ၊ အဟေတုကပဋိသန္ဓိက္ခဏေ ဝိတက္ကံ ပဋိစ္စ ကဋတ္တာရူပံ၊ ဝိတက္ကံ ပဋိစ္စ ဝတ္ထု၊ ဝတ္ထုံ ပဋိစ္စ ဝိတက္ကော၊ ဧကံ မဟာဘူတံ။ပေ။. (၁)

အဝိတက္ကံ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဝိတက္ကံ ပဋိစ္စ သမ္ပယုတ္တကာ ခန္ဓာ၊ အဟေတုကပဋိသန္ဓိက္ခဏေ ဝိတက္ကံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ အဟေတုကာ သဝိတက္ကာ ခန္ဓာ၊ ဝိတက္ကံ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၂)

အဝိတက္ကံ ဓမ္မံ ပဋိစ္စ သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ နဟေတုပစ္စယာ. (သံခိတ္တံ. ဟေတုပစ္စယသဒိသံ. ‘‘အဟေတုက’’န္တိ နိယာမေတဗ္ဗံ.) (၃)

သဝိတက္ကဉ္စ အဝိတက္ကဉ္စ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ သဝိတက္ကံ ဧကံ ခန္ဓဉ္စ ဝတ္ထုဉ္စ ဝိတက္ကဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝိတက္ကဉ္စ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (အဝသေသာ ဒွေ ပဉှာ ဟေတုပစ္စယသဒိသာ နိန္နာနာ၊ အဟေတုကန္တိ နိယာမေတဗ္ဗံ.) (၃)