၁. ဝိဘင်္ဂဝါရော

ဟေတုပစ္စယော

၁၀၂. သဝိတက္ကံ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. သဝိတက္ကံ ဓမ္မံ ပဋိစ္စ အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကေ ခန္ဓေ ပဋိစ္စ ဝိတက္ကော စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ။ပေ။. သဝိတက္ကံ ဓမ္မံ ပဋိစ္စ သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၃)

၁၀၃. အဝိတက္ကံ ဓမ္မံ ပဋိစ္စ အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ဝိတက္ကံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ အဝိတက္ကံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ။ ဒွေ ခန္ဓေ။ပေ။ ဝိတက္ကံ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဝိတက္ကံ ပဋိစ္စ ဝတ္ထု၊ ဝတ္ထုံ ပဋိစ္စ ဝိတက္ကော၊ ဧကံ မဟာဘူတံ။ပေ။. (၁)

အဝိတက္ကံ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – ဝိတက္ကံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝိတက္ကံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကာ ခန္ဓာ. (၂)

အဝိတက္ကံ ဓမ္မံ ပဋိစ္စ သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိတက္ကံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ဝိတက္ကံ ပဋိစ္စ သဝိတက္ကာ ခန္ဓာ၊ မဟာဘူတေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ ဝိတက္ကံ ပဋိစ္စ သမ္ပယုတ္တကာ ခန္ဓာ ကဋတ္တာ စ ရူပံ၊ ပဋိသန္ဓိက္ခဏေ ဝိတက္ကံ ပဋိစ္စ သဝိတက္ကာ ခန္ဓာ၊ မဟာဘူတေ ပဋိစ္စ ကဋတ္တာရူပံ၊ ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကာ ခန္ဓာ၊ မဟာဘူတေ ပဋိစ္စ ကဋတ္တာရူပံ၊ ပဋိသန္ဓိက္ခဏေ ဝတ္ထုံ ပဋိစ္စ ဝိတက္ကော သမ္ပယုတ္တကာ စ ခန္ဓာ. (၃)

၁၀၄. သဝိတက္ကဉ္စ အဝိတက္ကဉ္စ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ ။ပေ။ ပဋိသန္ဓိက္ခဏေ သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ သဝိတက္ကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. (၁)

သဝိတက္ကဉ္စ အဝိတက္ကဉ္စ ဓမ္မံ ပဋိစ္စ အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ သဝိတက္ကေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ၊ ပဋိသန္ဓိက္ခဏေ သဝိတက္ကေ ခန္ဓေ စ ဝတ္ထုဉ္စ ပဋိစ္စ ဝိတက္ကော. (၂)

သဝိတက္ကဉ္စ အဝိတက္ကဉ္စ ဓမ္မံ ပဋိစ္စ သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ သဝိတက္ကေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ ကဋတ္တာ စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ သဝိတက္ကံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ သဝိတက္ကေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ၊ ပဋိသန္ဓိက္ခဏေ သဝိတက္ကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ။ပေ။ ဒွေ ခန္ဓေ။ပေ။. (၃) (သံခိတ္တံ.)