၁. ဝိဘင်္ဂဝါရော

ဟေတုပစ္စယော

၉၄. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော။ ဆ။ပေ။ (ဒဿနေန ပဟာတဗ္ဗဟေတုကဒုကသဒိသာ).

အာရမ္မဏပစ္စယော

၉၅. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ တီဏိ (အာရဗ္ဘ ဒဿနေန ပဟာတဗ္ဗဟေတုကဒုကသဒိသာ).

၉၆. နဘာဝနာယ ပဟာတဗ္ဗဟေတုကော ဓမ္မော နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ သီလံ။ပေ။ ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ၊ တံ အာရဗ္ဘ နဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ။ပေ။ ဝိစိကိစ္ဆာ။ပေ။ နဘာဝနာယ ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ။ပေ။ ဈာနာ။ပေ။ အရိယာ မဂ္ဂါ။ပေ။ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နဘာဝနာယ ပဟာတဗ္ဗဟေတုကေ ပဟီနေ ကိလေသေ။ပေ။ ပုဗ္ဗေ သမုဒါစိဏ္ဏေ။ပေ။ စက္ခုံ။ပေ။ ဝတ္ထုံ နဘာဝနာယ ပဟာတဗ္ဗဟေတုကေ ခန္ဓေ စ မောဟဉ္စ အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ နဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ။ပေ။ ဝိစိကိစ္ဆာ။ပေ။ နဘာဝနာယ ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ။ပေ။ အနာဂတံသဉာဏဿ၊ အာဝဇ္ဇနာယ၊ မောဟဿ စ အာရမ္မဏပစ္စယေန ပစ္စယော. (၁)

နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ သီလံ။ပေ။ ဈာနံ။ပေ။ စက္ခုံ။ပေ။ ဝတ္ထုံ နဘာဝနာယ ပဟာတဗ္ဗဟေတုကေ ခန္ဓေ စ မောဟဉ္စ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဥဒ္ဓစ္စံ။ပေ။ ဘာဝနာယ ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ. (၂)

နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – စက္ခုံ။ပေ။ ဝတ္ထုံ နဘာဝနာယ ပဟာတဗ္ဗဟေတုကေ ခန္ဓေ စ မောဟဉ္စ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ (ဃဋနာရမ္မဏာ တီဏိပိ ကာတဗ္ဗာ). (၃)

အဓိပတိပစ္စယာဒိ

၉၇. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဘာဝနာယ ပဟာတဗ္ဗဟေတုကံ ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ. သဟဇာတာဓိပတိ – ဘာဝနာယ ပဟာတဗ္ဗဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော. (၁)

ဘာဝနာယ ပဟာတဗ္ဗဟေတုကော ဓမ္မော နဘာဝနာယ ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဘာဝနာယ ပဟာတဗ္ဗဟေတုကံ ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ နဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. သဟဇာတာဓိပတိ – ဘာဝနာယ ပဟာတဗ္ဗဟေတုကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော. (၂)

ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နဘာဝနာယ ပဟာတဗ္ဗဟေတုကဿ စ ဓမ္မဿ အဓိပတိပစ္စယေန ပစ္စယော. သဟဇာတာဓိပတိ – ဘာဝနာယ ပဟာတဗ္ဗဟေတုကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၃)

၉၈. နဘာဝနာယ ပဟာတဗ္ဗဟေတုကော ဓမ္မော နဘာဝနာယ ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဒါနံ။ပေ။ သီလံ။ပေ။ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ၊ တံ ဂရုံ ကတွာ နဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ပုဗ္ဗေ။ပေ။ ဈာနာ။ပေ။ အရိယာ မဂ္ဂါ ဝုဋ္ဌဟိတွာ။ပေ။ ဖလဿ အဓိပတိပစ္စယေန ပစ္စယော၊ စက္ခုံ။ပေ။ ဝတ္ထုံ နဘာဝနာယ ပဟာတဗ္ဗဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ နဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. သဟဇာတာဓိပတိ – နဘာဝနာယ ပဟာတဗ္ဗဟေတုကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၁)

နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ – ဒါနံ။ပေ။ ဈာနံ။ပေ။ စက္ခုံ။ပေ။ ဝတ္ထုံ နဘာဝနာယ ပဟာတဗ္ဗဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ. (၂)

(အနန္တရပစ္စယေ နဘာဝနာယ ပဟာတဗ္ဗဟေတုကကာရဏာ ဝိစိကိစ္ဆာသဟဂတော မောဟော န ကာတဗ္ဗော၊ ဥဒ္ဓစ္စသဟဂတော မောဟော ကာတဗ္ဗော.) သမနန္တရပစ္စယေန ပစ္စယော။ သဟဇာတပစ္စယေန ပစ္စယော။ နဝ။ အညမညပစ္စယေန ပစ္စယော။ ဆ။ နိဿယပစ္စယေန ပစ္စယော။ နဝ.

ဥပနိဿယပစ္စယော

၉၉. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – ဘာဝနာယ ပဟာတဗ္ဗဟေတုကာ ခန္ဓာ ဘာဝနာယ ပဟာတဗ္ဗဟေတုကာနံ ခန္ဓာနံ ဥပနိဿယပစ္စယေန ပစ္စယော. (မူလံ ကာတဗ္ဗံ.) ဘာဝနာယ ပဟာတဗ္ဗဟေတုကာ ခန္ဓာ နဘာဝနာယ ပဟာတဗ္ဗဟေတုကာနံ ခန္ဓာနံ မောဟဿ စ ဥပနိဿယပစ္စယေန ပစ္စယော၊ သကဘဏ္ဍေ ဆန္ဒရာဂေါ ပရဘဏ္ဍေ ဆန္ဒရာဂဿ ဥပနိဿယပစ္စယေန ပစ္စယော၊ သကပရိဂ္ဂဟေ ဆန္ဒရာဂေါ ပရပရိဂ္ဂဟေ ဆန္ဒရာဂဿ ဥပနိဿယပစ္စယေန ပစ္စယော. (မူလံ ကာတဗ္ဗံ.) ဘာဝနာယ ပဟာတဗ္ဗဟေတုကာ ခန္ဓာ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော. (၃)

၁၀၀. နဘာဝနာယ ပဟာတဗ္ဗဟေတုကော ဓမ္မော နဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ ဒိဋ္ဌိံ ဂဏှာတိ၊ သီလံ။ပေ။ ပညံ။ နဘာဝနာယ ပဟာတဗ္ဗဟေတုကံ ရာဂံ။ ဒေါသံ။ မောဟံ။ ဒိဋ္ဌိံ။ ပတ္ထနံ။ ကာယိကံ သုခံ။ ကာယိကံ ဒုက္ခံ။ပေ။ သေနာသနံ ဥပနိဿာယ ဒါနံ ဒေတိ။ပေ။ ပါဏံ ဟနတိ။ပေ။ သံဃံ ဘိန္ဒတိ၊ သဒ္ဓါ။ပေ။ သေနာသနံ သဒ္ဓါယ။ပေ။ ပညာယ။ နဘာဝနာယ ပဟာတဗ္ဗဟေတုကဿ ရာဂဿ ။ ဒေါသဿ။ မောဟဿ။ ဒိဋ္ဌိယာ။ ပတ္ထနာယ။ ကာယိကဿ သုခဿ။ပေ။ ဖလသမာပတ္တိယာ ဥပနိဿယပစ္စယေန ပစ္စယော. (၁)

နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ။ပေ။ သဒ္ဓါ ။ပေ။ သေနာသနံ ဘာဝနာယ ပဟာတဗ္ဗဟေတုကဿ ရာဂဿ။ ဒေါသဿ။ မောဟဿ။ မာနဿ။ ပတ္ထနာယ ဥပနိဿယပစ္စယေန ပစ္စယော. (၂)

နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓါ။ပေ။ ပညာ။ ကာယိကံ သုခံ။ပေ။ သေနာသနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော (ဃဋနူပနိဿယာပိ တီဏိပိ ကာတဗ္ဗာ). (၃)

ပုရေဇာတပစ္စယာဒိ

၁၀၁. နဘာဝနာယ ပဟာတဗ္ဗဟေတုကော ဓမ္မော နဘာဝနာယ ပဟာတဗ္ဗဟေတုကဿ ဓမ္မဿ ပုရေဇာတပစ္စယေန ပစ္စယော။ တီဏိ။ ပစ္ဆာဇာတပစ္စယေန ပစ္စယော။ တီဏိ။ အာသေဝနပစ္စယေန ပစ္စယော။ နဝ။ ကမ္မပစ္စယေန ပစ္စယော (နဘာဝနာယ ပဟာတဗ္ဗဘာဇနကာရဏေ နာနာက္ခဏိကာ လဗ္ဘတိ ) ။ပေ။ နောဝိဂတပစ္စယေန ပစ္စယော. (သံခိတ္တံ. ယထာ ဒဿနေန ပဟာတဗ္ဗဟေတုကဒုကံ ဧဝံ ဘာဝနာယ ပဟာတဗ္ဗဟေတုကပစ္စယာပိ ပစ္စနီယာပိ ဝိဘာဂေါပိ ဂဏနာပိ နိန္နာနာကရဏာ.)

နဒဿနေန ပဟာတဗ္ဗော ဓမ္မော နဒဿနေန ပဟာတဗ္ဗဿ ဓမ္မဿ။ပေ။. (ပရန္တေန သကဘဏ္ဍဆန္ဒရာဂေါပိ ကာတဗ္ဗော.)

ဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ။ပေ။. (ပရန္တေန ‘‘သကဘဏ္ဍဆန္ဒရာဂေါ’’တိ ကာတဗ္ဗံ.)

ဘာဝနာယပဟာတဗ္ဗဟေတုကဒုကံ နိဋ္ဌိတံ.