၂. သင်္ချာဝါရော

၈၆. ဟေတုယာ ဆ၊ အာရမ္မဏေ နဝ၊ အဓိပတိယာ ပဉ္စ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ စတ္တာရိ၊ ဝိပါကေ ဧကံ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ၊ မဂ္ဂေ စတ္တာရိ၊ သမ္ပယုတ္တေ ဆ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော

၈၇. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. ဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. (၃)

၈၈. နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော. နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. (၃)

၈၉. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ နဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. (၃)