၁. ဝိဘင်္ဂဝါရော

ဟေတုပစ္စယော

၆၈. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော – ဒဿနေန ပဟာတဗ္ဗဟေတုကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော. (မူလံ ကာတဗ္ဗံ.) ဒဿနေန ပဟာတဗ္ဗဟေတုကာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော. (မူလံ ကာတဗ္ဗံ.) ဒဿနေန ပဟာတဗ္ဗဟေတုကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော. (၃)

၆၉. နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော – နဒဿနေန ပဟာတဗ္ဗဟေတုကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဝိစိကိစ္ဆာသဟဂတော မောဟော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ။ပေ။. (မူလံ ကာတဗ္ဗံ.) ဝိစိကိစ္ဆာသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော. (မူလံ ကာတဗ္ဗံ.) ဝိစိကိစ္ဆာသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော. (၃)

အာရမ္မဏပစ္စယော

၇၀. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒဿနေန ပဟာတဗ္ဗဟေတုကေ ခန္ဓေ အာရဗ္ဘ ဒဿနေန ပဟာတဗ္ဗဟေတုကာ ခန္ဓာ ဥပ္ပဇ္ဇန္တိ. (မူလံ ကာတဗ္ဗံ.) ဒဿနေန ပဟာတဗ္ဗဟေတုကေ ခန္ဓေ အာရဗ္ဘ နဒဿနေန ပဟာတဗ္ဗဟေတုကာ ခန္ဓာ စ မောဟော စ ဥပ္ပဇ္ဇန္တိ. (မူလံ ကာတဗ္ဗံ.) ဒဿနေန ပဟာတဗ္ဗဟေတုကေ ခန္ဓေ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ. (၃)

၇၁. နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ သီလံ။ပေ။ ဥပေါသထကမ္မံ ကတွာ တံ ပစ္စဝေက္ခတိ၊ အဿာဒေတိ အဘိနန္ဒတိ၊ တံ အာရဗ္ဘ နဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ နဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ပုဗ္ဗေ သုစိဏ္ဏာနိ ။ပေ။ ဈာနာ ဝုဋ္ဌဟိတွာ။ပေ။ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ။ပေ။ အရိယာ နဒဿနေန ပဟာတဗ္ဗဟေတုကေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ။ပေ။ ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ စက္ခုံ။ပေ။ ဝတ္ထုံ နဒဿနေန ပဟာတဗ္ဗဟေတုကေ ခန္ဓေ စ မောဟဉ္စ အနိစ္စတော။ပေ။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ နဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ နဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ။ပေ။ အနာဂတံသဉာဏဿ၊ အာဝဇ္ဇနာယ၊ မောဟဿ စ အာရမ္မဏပစ္စယေန ပစ္စယော.

နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ ဈာနံ။ပေ။ စက္ခုံ။ပေ။ ဝတ္ထုံ နဒဿနေန ပဟာတဗ္ဗဟေတုကေ ခန္ဓေ စ မောဟဉ္စ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ။ပေ။ ဝိစိကိစ္ဆာ။ပေ။ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ.

နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – စက္ခုံ။ပေ။ ဝတ္ထုံ နဒဿနေန ပဟာတဗ္ဗဟေတုကေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ. (၃)

၇၂. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ခန္ဓေ စ မောဟဉ္စ အာရဗ္ဘ ဒဿနေန ပဟာတဗ္ဗဟေတုကာ ခန္ဓာ ဥပ္ပဇ္ဇန္တိ. (မူလံ ကာတဗ္ဗံ.) ဝိစိကိစ္ဆာသဟဂတေ ခန္ဓေ စ မောဟဉ္စ အာရဗ္ဘ နဒဿနေန ပဟာတဗ္ဗဟေတုကာ ခန္ဓာ စ မောဟော စ ဥပ္ပဇ္ဇန္တိ. (မူလံ ကာတဗ္ဗံ.) ဝိစိကိစ္ဆာသဟဂတေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ. (၃)

အဓိပတိပစ္စယော

၇၃. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဒဿနေန ပဟာတဗ္ဗဟေတုကေ ခန္ဓေ ဂရုံ ကတွာ ဒဿနေန ပဟာတဗ္ဗဟေတုကာ ခန္ဓာ ဥပ္ပဇ္ဇန္တိ. သဟဇာတာဓိပတိ – ဒဿနေန ပဟာတဗ္ဗဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော. (၁)

ဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော. သဟဇာတာဓိပတိ – ဒဿနေန ပဟာတဗ္ဗဟေတုကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော. (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ အဓိပတိပစ္စယေန ပစ္စယော. သဟဇာတာဓိပတိ – ဒဿနေန ပဟာတဗ္ဗဟေတုကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၃)

၇၄. နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဒါနံ။ပေ။ သီလံ။ပေ။ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ၊ တံ ဂရုံ ကတွာ နဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ပုဗ္ဗေ သုစိဏ္ဏာနိ။ပေ။ ဈာနာ။ပေ။ အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ။ပေ။ ဖလဿ အဓိပတိပစ္စယေန ပစ္စယော၊ စက္ခုံ။ပေ။ ဝတ္ထုံ နဒဿနေန ပဟာတဗ္ဗဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ နဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ. သဟဇာတာဓိပတိ – နဒဿနေန ပဟာတဗ္ဗဟေတုကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၁)

နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော. အာရမ္မဏာဓိပတိ – ဒါနံ။ပေ။ သီလံ။ပေ။ ဥပေါသထကမ္မံ ကတွာ။ပေ။ ဈာနာ။ပေ။ စက္ခုံ။ပေ။ ဝတ္ထုံ နဒဿနေန ပဟာတဗ္ဗဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. (၂)

အနန္တရပစ္စယော

၇၅. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒဿနေန ပဟာတဗ္ဗဟေတုကာ ခန္ဓာ ပစ္ဆိမာနံ ပစ္ဆိမာနံ ဒဿနေန ပဟာတဗ္ဗဟေတုကာနံ ခန္ဓာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ဝိစိကိစ္ဆာသဟဂတာ ခန္ဓာ ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ မောဟဿ အနန္တရပစ္စယေန ပစ္စယော၊ ဒဿနေန ပဟာတဗ္ဗဟေတုကာ ခန္ဓာ ဝုဋ္ဌာနဿ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ဝိစိကိစ္ဆာသဟဂတာ ခန္ဓာ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော. (၃)

၇၆. နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော မောဟော ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ မောဟဿ အနန္တရပစ္စယေန ပစ္စယော၊ ပုရိမာ ပုရိမာ နဒဿနေန ပဟာတဗ္ဗဟေတုကာ ခန္ဓာ။ပေ။ ဖလသမာပတ္တိယာ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမော ပုရိမော ဝိစိကိစ္ဆာသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ဒဿနေန ပဟာတဗ္ဗဟေတုကာနံ ခန္ဓာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမော ပုရိမော ဝိစိကိစ္ဆာသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော၊ အာဝဇ္ဇနာ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော. (၃)

၇၇. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ဝိစိကိစ္ဆာသဟဂတာ ခန္ဓာ စ မောဟော စ ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ မောဟဿ အနန္တရပစ္စယေန ပစ္စယော၊ ဝိစိကိစ္ဆာသဟဂတာ ခန္ဓာ စ မောဟော စ ဝုဋ္ဌာနဿ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ဝိစိကိစ္ဆာသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော. (၃)

သမနန္တရပစ္စယေန ပစ္စယော။ နဝ။ သဟဇာတပစ္စယေန ပစ္စယော။ နဝ။ အညမညပစ္စယေန ပစ္စယော။ ဆ။ နိဿယပစ္စယေန ပစ္စယော။ နဝ.

ဥပနိဿယပစ္စယော

၇၈. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – ဒဿနေန ပဟာတဗ္ဗဟေတုကာ ခန္ဓာ ဒဿနေန ပဟာတဗ္ဗဟေတုကာနံ ခန္ဓာနံ ဥပနိဿယပစ္စယေန ပစ္စယော. (အဝသေသေသု ဒွီသု အနန္တရူပနိဿယော၊ ပကတူပနိဿယော.) (မူလံ ကာတဗ္ဗံ.) ဒဿနေန ပဟာတဗ္ဗဟေတုကာ ခန္ဓာ နဒဿနေန ပဟာတဗ္ဗဟေတုကာနံ ခန္ဓာနံ မောဟဿ စ ဥပနိဿယပစ္စယေန ပစ္စယော. (မူလံ ကာတဗ္ဗံ.) ဒဿနေန ပဟာတဗ္ဗဟေတုကာ ခန္ဓာ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော. (၃)

၇၉. နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ မာနံ ဇပ္ပေတိ၊ သီလံ ။ပေ။ ပညံ။ နဒဿနေန ပဟာတဗ္ဗဟေတုကံ ရာဂံ။ ဒေါသံ။ မောဟံ။ မာနံ။ ပတ္ထနံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ သဒ္ဓါ။ပေ။ သေနာသနံ သဒ္ဓါယ။ပေ။ ပညာယ နဒဿနေန ပဟာတဗ္ဗဟေတုကဿ ရာဂဿ။ပေ။ ပတ္ထနာယ ဖလသမာပတ္တိယာ ဥပနိဿယပစ္စယေန ပစ္စယော. (၁)

နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ ဒိဋ္ဌိံ ဂဏှာတိ၊ သီလံ။ပေ။ ပညံ။ နဒဿနေန ပဟာတဗ္ဗဟေတုကံ ရာဂံ။ ဒေါသံ။ မောဟံ။ မာနံ။ ပတ္ထနံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ ဥပနိဿာယ ပါဏံ ဟနတိ။ပေ။ သံဃံ ဘိန္ဒတိ၊ သဒ္ဓါ။ပေ။ သေနာသနံ ဒဿနေန ပဟာတဗ္ဗဟေတုကဿ ရာဂဿ။ ဒေါသဿ။ မောဟဿ။ ဒိဋ္ဌိယာ။ ပတ္ထနာယ ဥပနိဿယပစ္စယေန ပစ္စယော. (၂)

နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓါ။ပေ။ ပညာ၊ နဒဿနေန ပဟာတဗ္ဗဟေတုကော ရာဂေါ။ ဒေါသော။ မောဟော။ မာနော။ ပတ္ထနာ။ ကာယိကံ သုခံ။ပေ။ သေနာသနံ၊ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော. (၃)

၈၀. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ။. ပကတူပနိဿယော – ဝိစိကိစ္ဆာသဟဂတာ ခန္ဓာ စ မောဟော စ ဒဿနေန ပဟာတဗ္ဗဟေတုကာနံ ခန္ဓာနံ ဥပနိဿယပစ္စယေန ပစ္စယော. (မူလံ ကာတဗ္ဗံ.) ဝိစိကိစ္ဆာသဟဂတာ ခန္ဓာ စ မောဟော စ နဒဿနေန ပဟာတဗ္ဗဟေတုကာနံ ခန္ဓာနံ မောဟဿ စ ဥပနိဿယပစ္စယေန ပစ္စယော. (မူလံ ကာတဗ္ဗံ.) ဝိစိကိစ္ဆာသဟဂတာ ခန္ဓာ စ မောဟော စ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော. (၃)

ပုရေဇာတပစ္စယော

၈၁. နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အနိစ္စတော။ပေ။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ နဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ နဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ဒိဗ္ဗေန။ပေ။. (သံခိတ္တံ. ဝတ္ထုပုရေဇာတံ သံခိတ္တံ.) (၁)

နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ။ပေ။ ဝိစိကိစ္ဆာ။ပေ။ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ. (ဝတ္ထုပုရေဇာတံ သံခိတ္တံ.) (၂)

နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ. (ဝတ္ထုပုရေဇာတံ သံခိတ္တံ.) (၃)

ပစ္ဆာဇာတာသေဝနပစ္စယာ

၈၂. ဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ). နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ). ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ နဒဿနေန ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော (သံခိတ္တံ)။ အာသေဝနပစ္စယေန ပစ္စယော.

ကမ္မပစ္စယာဒိ

၈၃. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ကမ္မပစ္စယေန ပစ္စယော – ဒဿနေန ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော. (မူလံ ကာတဗ္ဗံ.) သဟဇာတာ၊ နာနာက္ခဏိကာ. သဟဇာတာ – ဒဿနေန ပဟာတဗ္ဗဟေတုကာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော. နာနာက္ခဏိကာ – ဒဿနေန ပဟာတဗ္ဗဟေတုကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ ကမ္မပစ္စယေန ပစ္စယော – ဒဿနေန ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော. (၃)

နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ. သဟဇာတာ – နဒဿနေန ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ။ပေ။. နာနာက္ခဏိကာ – နဒဿနေန ပဟာတဗ္ဗဟေတုကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော. (၁)

ဝိပါကပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယော။ ဆ။ ဝိပ္ပယုတ္တပစ္စယေန ပစ္စယော။ ပဉ္စ.

အတ္ထိပစ္စယာဒိ

၈၄. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော။ တီဏိ.

နဒဿနေန ပဟာတဗ္ဗဟေတုကော ဓမ္မော နဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (သံခိတ္တံ). နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ (သံခိတ္တံ). နဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ (သံခိတ္တံ). (၃)

၈၅. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ. သဟဇာတော – ဒဿနေန ပဟာတဗ္ဗဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ။ ဒွေ ခန္ဓာ စ။ပေ။ ဝိစိကိစ္ဆာသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ။ ဒွေ ခန္ဓာ စ။ပေ။. ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ နဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (သံခိတ္တံ). ဒဿနေန ပဟာတဗ္ဗဟေတုကော စ နဒဿနေန ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နဒဿနေန ပဟာတဗ္ဗဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ (သံခိတ္တံ). (၃)

နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော.