၁-၄. ပစ္စယစတုက္ကံ

ဟေတုပစ္စယော

၆၄. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။. (၁)

နဒဿနေန ပဟာတဗ္ဗဟေတုကံ ဓမ္မံ သံသဋ္ဌော နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဒဿနေန ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၁)

နဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ မောဟံ သံသဋ္ဌာ သမ္ပယုတ္တကာ ခန္ဓာ. (၂)

ဒဿနေန ပဟာတဗ္ဗဟေတုကဉ္စ နဒဿနေန ပဟာတဗ္ဗဟေတုကဉ္စ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ။ပေ။ ဒွေ ခန္ဓေ စ။ပေ။. (၁)

အာရမ္မဏပစ္စယော

၆၅. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ (ပဋိစ္စသဒိသာ).

နဒဿနေန ပဟာတဗ္ဗဟေတုကံ ဓမ္မံ သံသဋ္ဌော နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နဒဿနေန ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၁)

နဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ (ပဋိစ္စသဒိသံ). (၂)

ဒဿနေန ပဟာတဗ္ဗဟေတုကဉ္စ နဒဿနေန ပဟာတဗ္ဗဟေတုကဉ္စ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ (ပဋိစ္စသဒိသံ၊ သံခိတ္တံ). (၁)

၆၆. ဟေတုယာ စတ္တာရိ၊ အာရမ္မဏေ ဆ၊ အဓိပတိယာ ဒွေ၊ အနန္တရေ ဆ (သဗ္ဗတ္ထ ဆ)၊ ဝိပါကေ ဧကံ။ပေ။ အဝိဂတေ ဆ.

အနုလောမံ.

နဟေတုပစ္စယော

၆၇. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော မောဟော. (၁)

နဒဿနေန ပဟာတဗ္ဗဟေတုကံ ဓမ္မံ သံသဋ္ဌော နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နဒဿနေန ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ ဥဒ္ဓစ္စသဟဂတေ ခန္ဓေ သံသဋ္ဌော ဥဒ္ဓစ္စသဟဂတော မောဟော. (၁)

နဟေတုယာ ဒွေ၊ နအဓိပတိယာ ဆ၊ နပုရေဇာတေ ဆ၊ နပစ္ဆာဇာတေ ဆ၊ နအာသေဝနေ ဆ၊ နကမ္မေ စတ္တာရိ၊ နဝိပါကေ ဆ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဆ.

ပစ္စနီယံ.

ဟေတုဒုကံ

ဟေတုပစ္စယာ နအဓိပတိယာ စတ္တာရိ၊ နပုရေဇာတေ စတ္တာရိ။ပေ။ နဝိပ္ပယုတ္တေ စတ္တာရိ.

နဟေတုဒုကံ

နဟေတုပစ္စယာ အာရမ္မဏေ ဒွေ၊ အနန္တရေ ဒွေ။ပေ။ ဝိပါကေ ဧကံ။ပေ။ အဝိဂတေ ဒွေ.