၁. ဝိဘင်္ဂဝါရော

ဟေတုပစ္စယော

၃၆. ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ဟေတုပစ္စယေန ပစ္စယော – ဘာဝနာယ ပဟာတဗ္ဗာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ တီဏိ.

နဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ ဟေတုပစ္စယေန ပစ္စယော (သံခိတ္တံ). (၁)

အာရမ္မဏပစ္စယော

၃၇. ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဘာဝနာယ ပဟာတဗ္ဗံ ရာဂံ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဥဒ္ဓစ္စံ အာရဗ္ဘ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ အာရဗ္ဘ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ. (၁)

ဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – အရိယာ ဘာဝနာယ ပဟာတဗ္ဗေ ပဟီနေ ကိလေသေ။ပေ။ ဝိက္ခမ္ဘိတေ ကိလေသေ။ပေ။ ပုဗ္ဗေ သမုဒါစိဏ္ဏေ။ပေ။ ဘာဝနာယ ပဟာတဗ္ဗေ ခန္ဓေ အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ နဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ။ပေ။ ဝိစိကိစ္ဆာ။ပေ။ နဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ စေတောပရိယဉာဏေန ဘာဝနာယ ပဟာတဗ္ဗစိတ္တသမင်္ဂိဿ စိတ္တံ ဇာနာတိ၊ ဘာဝနာယ ပဟာတဗ္ဗာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော. (၂)

၃၈. နဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ သီလံ။ပေ။ ဥပေါသထကမ္မံ ကတွာ တံ ပစ္စဝေက္ခတိ အဿာဒေတိ အဘိနန္ဒတိ၊ တံ အာရဗ္ဘ နဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ။ပေ။ ဝိစိကိစ္ဆာ။ပေ။ နဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ပုဗ္ဗေ။ပေ။ ဈာနာ။ပေ။ အရိယာ မဂ္ဂါ ဝုဋ္ဌဟိတွာ။ပေ။ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော၊ အရိယာ နဘာဝနာယ ပဟာတဗ္ဗေ ပဟီနေ ကိလေသေ။ပေ။ စက္ခုံ။ပေ။ ဝတ္ထုံ နဘာဝနာယ ပဟာတဗ္ဗေ ခန္ဓေ အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ နဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ။ပေ။ ဝိစိကိစ္ဆာ။ပေ။ နဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ။ပေ။ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော. (၁)

နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ။ သီလံ။ပေ။ ဈာနံ။ပေ။ စက္ခုံ။ပေ။ ဝတ္ထုံ နဘာဝနာယ ပဟာတဗ္ဗေ ခန္ဓေ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ. (၂)

အဓိပတိပစ္စယော

၃၉. ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ သဟဇာတာဓိပတိ. အာရမ္မဏာဓိပတိ – ဘာဝနာယ ပဟာတဗ္ဗံ ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ. သဟဇာတာဓိပတိ – ဘာဝနာယ ပဟာတဗ္ဗာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော. (၁)

ဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဘာဝနာယ ပဟာတဗ္ဗံ ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ နဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. သဟဇာတာဓိပတိ – ဘာဝနာယ ပဟာတဗ္ဗာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော. (၂)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ စ နဘာဝနာယ ပဟာတဗ္ဗဿ စ ဓမ္မဿ အဓိပတိပစ္စယေန ပစ္စယော. သဟဇာတာဓိပတိ – ဘာဝနာယ ပဟာတဗ္ဗာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၃)

၄၀. နဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – ဒါနံ ဒတွာ သီလံ။ပေ။ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ၊ တံ ဂရုံ ကတွာ နဘာဝနာယ ပဟာတဗ္ဗော ရာဂေါ ဥပ္ပဇ္ဇတိ. သဟဇာတာဓိပတိ – နဘာဝနာယ ပဟာတဗ္ဗာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၁)

နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော. အာရမ္မဏာဓိပတိ – ဒါနံ။ပေ။ ဈာနံ။ပေ။ စက္ခုံ။ပေ။ ဝတ္ထုံ နဘာဝနာယ ပဟာတဗ္ဗေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ. (၂)

အနန္တရပစ္စယာဒိ

၄၁. ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အနန္တရပစ္စယေန ပစ္စယော။ စတ္တာရိ (ဒဿနဒုကသဒိသာ ဘာဝနာ နိန္နာနာကရဏာ)။ သမနန္တရပစ္စယေန ပစ္စယော။ စတ္တာရိ။ သဟဇာတပစ္စယေန ပစ္စယော။ ပဉ္စ။ အညမညပစ္စယေန ပစ္စယော။ ဒွေ။ နိဿယပစ္စယေန ပစ္စယော။ သတ္တ.

ဥပနိဿယပစ္စယော

၄၂. ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – ဘာဝနာယ ပဟာတဗ္ဗော ရာဂေါ။ ဒေါသော။ မောဟော။ မာနော။ ပတ္ထနာ ဘာဝနာယ ပဟာတဗ္ဗဿ ရာဂဿ ။ ဒေါသဿ။ မောဟဿ။ မာနဿ။ ပတ္ထနာယ ဥပနိဿယပစ္စယေန ပစ္စယော. (၁)

ဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – ဘာဝနာယ ပဟာတဗ္ဗံ ရာဂံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ ပါဏံ ဟနတိ။ပေ။ သံဃံ ဘိန္ဒတိ၊ ဘာဝနာယ ပဟာတဗ္ဗံ ဒေါသံ။ မောဟံ။ မာနံ။ ပတ္ထနံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ ပါဏံ ဟနတိ။ပေ။ သံဃံ ဘိန္ဒတိ၊ ဘာဝနာယ ပဟာတဗ္ဗော ရာဂေါ။ပေ။ ပတ္ထနာ သဒ္ဓါယ။ပေ။ ပညာယ နဘာဝနာယ ပဟာတဗ္ဗဿ၊ ရာဂဿ။ ဒေါသဿ။ မောဟဿ။ ဒိဋ္ဌိယာ။ ပတ္ထနာယ။ ကာယိကဿ သုခဿ။ ကာယိကဿ ဒုက္ခဿ။ မဂ္ဂဿ။ ဖလသမာပတ္တိယာ ဥပနိဿယပစ္စယေန ပစ္စယော. (၂)

၄၃. နဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ ဒိဋ္ဌိံ ဂဏှာတိ၊ သီလံ။ပေ။ ပညံ၊ နဘာဝနာယ ပဟာတဗ္ဗံ ရာဂံ။ ဒေါသံ။ မောဟံ။ ဒိဋ္ဌိံ။ ပတ္ထနံ။ ကာယိကံ သုခံ။ ကာယိကံ ဒုက္ခံ။ပေ။ သေနာသနံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ ပါဏံ ဟနတိ။ပေ။ သံဃံ ဘိန္ဒတိ၊ သဒ္ဓါ။ပေ။ သေနာသနံ သဒ္ဓါယ။ပေ။ ပညာယ နဘာဝနာယ ပဟာတဗ္ဗဿ ရာဂဿ။ ဒေါသဿ။ မောဟဿ။ ဒိဋ္ဌိယာ။ ပတ္ထနာယ။ ကာယိကဿ သုခဿ။ ကာယိကဿ ဒုက္ခဿ။ မဂ္ဂဿ။ ဖလသမာပတ္တိယာ ဥပနိဿယပစ္စယေန ပစ္စယော. (၁)

နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ။ပေ။ သီလံ။ပေ။ ပညံ။ ရာဂံ။ပေ။ ကာယိကံ သုခံ။ ကာယိကံ ဒုက္ခံ။ သေနာသနံ ဥပနိဿာယ မာနံ ဇပ္ပေတိ၊ သဒ္ဓါ။ပေ။ သေနာသနံ ဘာဝနာယ ပဟာတဗ္ဗဿ ရာဂဿ။ ဒေါသဿ။ မောဟဿ။ မာနဿ။ ပတ္ထနာယ ဥပနိဿယပစ္စယေန ပစ္စယော. (၂)

ပုရေဇာတပစ္စယာဒိ

၄၄. နဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ နဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ နဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ။ပေ။ ဖောဋ္ဌဗ္ဗာယတနံ ကာယဝိညာဏဿ။ပေ။. ဝတ္ထုပုရေဇာတံ – စက္ခာယတနံ စက္ခုဝိညာဏဿ။ပေ။ ကာယာယတနံ ကာယဝိညာဏဿ။ပေ။ ဝတ္ထု နဘာဝနာယ ပဟာတဗ္ဗာနံ ခန္ဓာနံ ပုရေဇာတပစ္စယေန ပစ္စယော. (၁)

နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ. ဝတ္ထုပုရေဇာတံ – ဝတ္ထု ဘာဝနာယ ပဟာတဗ္ဗာနံ ခန္ဓာနံ ပုရေဇာတပစ္စယေန ပစ္စယော. (၂)

၄၅. ပစ္ဆာဇာတပစ္စယေန ပစ္စယော။ ဒွေ၊ အာသေဝနပစ္စယေန ပစ္စယော။ ဒွေ၊ ကမ္မပစ္စယေန ပစ္စယော – ဘာဝနာယ ပဟာတဗ္ဗာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော. (မူလံ ကာတဗ္ဗံ.) ဘာဝနာယ ပဟာတဗ္ဗာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော. (မူလံ ကာတဗ္ဗံ.) ဘာဝနာယ ပဟာတဗ္ဗာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော. (၃)

နဘာဝနာယ ပဟာတဗ္ဗော ဓမ္မော နဘာဝနာယ ပဟာတဗ္ဗဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ. သဟဇာတာ – နဘာဝနာယ ပဟာတဗ္ဗာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ။ပေ။. နာနာက္ခဏိကာ – နဘာဝနာယ ပဟာတဗ္ဗာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ ဝိပါကပစ္စယေန ပစ္စယော။ ဧကံ။ပေ။ အဝိဂတပစ္စယေန ပစ္စယော. (သဗ္ဗပစ္စယာ ဒဿနဒုကသဒိသာ၊ ဘာဝနာ နိန္နာနာကရဏာ.)