၁-၄. ပစ္စယာနုလောမာဒိ

၃၅. ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ (ယထာ ဒဿနဒုကံ၊ ဧဝံ ဝိတ္ထာရေတဗ္ဗံ၊ နိန္နာနာကရဏံ).

ဟေတုယာ ပဉ္စ။ပေ။ အဝိဂတေ ပဉ္စ.

အနုလောမံ.

ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော.

နဘာဝနာယ ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နဘာဝနာယ ပဟာတဗ္ဗံ ဧကံ ခန္ဓံ။ပေ။ (ယာဝ အသညသတ္တာ) ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော (သံခိတ္တံ).

နဟေတုယာ ဒွေ။ပေ။ နောဝိဂတေ တီဏိ.

ပစ္စနီယံ.

(ပစ္စယဝါရပစ္စနီယေ နဟေတုပစ္စယေ ဥဒ္ဓစ္စသဟဂတေ တီဏိ၊ မောဟော ဥဒ္ဓရိတဗ္ဗော. သဗ္ဗေပိ ဝါရာ ဒဿနဒုကသဒိသာ၊ ဥဒ္ဓစ္စပစ္စနီယမ္ပိ နာနံ.)