၁-၄. ပစ္စယာနုလောမာဒိ
၁၁. ဒဿနေန ပဟာတဗ္ဗံ ဓမ္မံ သံသဋ္ဌော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ). (၁)
နဒဿနေန ပဟာတဗ္ဗံ ဓမ္မံ သံသဋ္ဌော နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ). (၁)
ဟေတုယာ ဒွေ၊ အာရမ္မဏေ ဒွေ၊ အဓိပတိယာ ဒွေ၊ အဝိဂတေ ဒွေ.
အနုလောမံ.
၁၂. ဒဿနေန ပဟာတဗ္ဗံ ဓမ္မံ သံသဋ္ဌော ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော မောဟော. (၁)
နဒဿနေန ပဟာတဗ္ဗံ ဓမ္မံ သံသဋ္ဌော နဒဿနေန ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ). (၁)
နဟေတုယာ ဒွေ၊ နအဓိပတိယာ ဒွေ၊ နပုရေဇာတေ ဒွေ၊ နပစ္ဆာဇာတေ ဒွေ၊ နအာသေဝနေ ဒွေ၊ နကမ္မေ ဒွေ၊ နဝိပါကေ ဒွေ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဒွေ.
ပစ္စနီယံ.