၁. ဝိဘင်္ဂဝါရော

ဟေတုပစ္စယော

၅. ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ပဋိစ္စသဒိသာ).

၆. နဒဿနေန ပဟာတဗ္ဗံ ဓမ္မံ ပစ္စယာ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – နဒဿနေန ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ (ယာဝ အဇ္ဈတ္တိကာ မဟာဘူတာ) ဝတ္ထုံ ပစ္စယာ နဒဿနေန ပဟာတဗ္ဗာ ခန္ဓာ. (၁)

နဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗာ ခန္ဓာ. (၂)

နဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော စ နဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ. (၃)

၇. ဒဿနေန ပဟာတဗ္ဗဉ္စ နဒဿနေန ပဟာတဗ္ဗဉ္စ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ။ ဒွေ ခန္ဓေ စ။ပေ။. (၁)

ဒဿနေန ပဟာတဗ္ဗဉ္စ နဒဿနေန ပဟာတဗ္ဗဉ္စ ဓမ္မံ ပစ္စယာ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ. (၂)

ဒဿနေန ပဟာတဗ္ဗဉ္စ နဒဿနေန ပဟာတဗ္ဗဉ္စ ဓမ္မံ ပစ္စယာ ဒဿနေန ပဟာတဗ္ဗော စ နဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ။ ဒွေ ခန္ဓေ စ။ပေ။ ဒဿနေန ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ. (၃)