၁-၇၅. ကုသလတ္တိက-ကိလေသဒုကံ

၁-၇. ပဋိစ္စဝါရာဒိ

ပစ္စယစတုက္ကံ

၁. အကုသလံ ကိလေသံ ဓမ္မံ ပဋိစ္စ အကုသလော ကိလေသော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၂. ကုသလံ နောကိလေသံ ဓမ္မံ ပဋိစ္စ ကုသလော နောကိလေသော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အကုသလံ နောကိလေသံ ဓမ္မံ ပဋိစ္စ အကုသလော နောကိလေသော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ နောကိလေသံ ဓမ္မံ ပဋိစ္စ အဗျာကတော နောကိလေသော ဓမ္မော ဥပ္ပဇ္ဇတိ ဟေတုပစ္စယာ. (၁)

ကုသလံ နောကိလေသဉ္စ အဗျာကတံ နောကိလေသဉ္စ ဓမ္မံ ပဋိစ္စ အဗျာကတော နောကိလေသော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ နောကိလေသဉ္စ အဗျာကတံ နောကိလေသဉ္စ ဓမ္မံ ပဋိစ္စ အဗျာကတော နောကိလေသော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၃. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ။ အဝိဂတေ နဝ (သံခိတ္တံ. သဟဇာတဝါရမ္ပိ ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၄. ကုသလော နောကိလေသော ဓမ္မော ကုသလဿ နောကိလေသဿ ဓမ္မဿ ဟေတုပစ္စယေန ပစ္စယော။ တီဏိ.

အဗျာကတော နောကိလေသော ဓမ္မော အဗျာကတဿ နောကိလေသဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၅. ဟေတုယာ စတ္တာရိ၊ အာရမ္မဏေ နဝ။ပေ။ အဝိဂတေ တေရသ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

၁-၇၆. ကုသလတ္တိက-သံကိလေသိကဒုကံ

၁-၇. ပဋိစ္စဝါရာဒိ

ပစ္စယစတုက္ကံ

၆. ကုသလံ သံကိလေသိကံ ဓမ္မံ ပဋိစ္စ ကုသလော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အကုသလံ သံကိလေသိကံ ဓမ္မံ ပဋိစ္စ အကုသလော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ သံကိလေသိကံ ဓမ္မံ ပဋိစ္စ အဗျာကတော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

ကုသလံ သံကိလေသိကဉ္စ အဗျာကတံ သံကိလေသိကဉ္စ ဓမ္မံ ပဋိစ္စ အဗျာကတော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ သံကိလေသိကဉ္စ အဗျာကတံ သံကိလေသိကဉ္စ ဓမ္မံ ပဋိစ္စ အဗျာကတော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

၇. ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ).

၈. ကုသလော သံကိလေသိကော ဓမ္မော အကုသလဿ သံကိလေသိကဿ ဓမ္မဿ ဟေတုပစ္စယေန ပစ္စယော။ တီဏိ.

အကုသလော သံကိလေသိကော ဓမ္မော အကုသလဿ သံကိလေသိကဿ ဓမ္မဿ ဟေတုပစ္စယေန ပစ္စယော။ တီဏိ.

အဗျာကတော သံကိလေသိကော ဓမ္မော အဗျာကတဿ သံကိလေသိကဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၉. ဟေတုယာ သတ္တ၊ အာရမ္မဏေ နဝ၊ အဓိပတိယာ နဝ။ပေ။ အဝိဂတေ တေရသ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

၁၀. ကုသလံ အသံကိလေသိကံ ဓမ္မံ ပဋိစ္စ ကုသလော အသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ အသံကိလေသိကံ ဓမ္မံ ပဋိစ္စ အဗျာကတော အသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၁၁. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၁၂. ကုသလော အသံကိလေသိကော ဓမ္မော ကုသလဿ အသံကိလေသိကဿ ဓမ္မဿ ဟေတုပစ္စယေန ပစ္စယော. (၁)

အဗျာကတော အသံကိလေသိကော ဓမ္မော အဗျာကတဿ အသံကိလေသိကဿ ဓမ္မဿ ဟေတုပစ္စယေန ပစ္စယော. (၁)

အဗျာကတော အသံကိလေသိကော ဓမ္မော အဗျာကတဿ အသံကိလေသိကဿ ဓမ္မဿ အာရမ္မဏပစ္စယေန ပစ္စယော. အဗျာကတော အသံကိလေသိကော ဓမ္မော ကုသလဿ အသံကိလေသိကဿ ဓမ္မဿ အာရမ္မဏပစ္စယေန ပစ္စယော. (၂) (သံခိတ္တံ.)

၁၃. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ။ပေ။ ဥပနိဿယေ စတ္တာရိ။ပေ။ အဝိဂတေ ဒွေ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

၁-၇၇. ကုသလတ္တိက-သံကိလိဋ္ဌဒုကံ

၁-၇. ပဋိစ္စဝါရာဒိ

ဟေတု-အာရမ္မဏပစ္စယာ

၁၄. အကုသလံ သံကိလိဋ္ဌံ ဓမ္မံ ပဋိစ္စ အကုသလော သံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၁၅. ကုသလံ အသံကိလိဋ္ဌံ ဓမ္မံ ပဋိစ္စ ကုသလော အသံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ. ကုသလံ အသံကိလိဋ္ဌံ ဓမ္မံ ပဋိစ္စ အဗျာကတော အသံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ. ကုသလံ အသံကိလိဋ္ဌံ ဓမ္မံ ပဋိစ္စ ကုသလော အသံကိလိဋ္ဌော စ အဗျာကတော အသံကိလိဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အဗျာကတံ အသံကိလိဋ္ဌံ ဓမ္မံ ပဋိစ္စ အဗျာကတော အသံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ. ကုသလံ အသံကိလိဋ္ဌဉ္စ အဗျာကတံ အသံကိလိဋ္ဌဉ္စ ဓမ္မံ ပဋိစ္စ အဗျာကတော အသံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ. (၂)

၁၆. ကုသလံ အသံကိလိဋ္ဌံ ဓမ္မံ ပဋိစ္စ ကုသလော အသံကိလိဋ္ဌော ဓမ္မော ဥပ္ပဇ္ဇတိ အာရမ္မဏပစ္စယာ. (၁)

အဗျာကတံ အသံကိလိဋ္ဌံ ဓမ္မံ ပဋိစ္စ အဗျာကတော အသံကိလိဋ္ဌော ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)

၁၇. ဟေတုယာ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ။ပေ။ အဝိဂတေ ပဉ္စ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၁၈. ကုသလော အသံကိလိဋ္ဌော ဓမ္မော ကုသလဿ အသံကိလိဋ္ဌဿ ဓမ္မဿ ဟေတုပစ္စယေန ပစ္စယော။ တီဏိ.

အဗျာကတော အသံကိလိဋ္ဌော ဓမ္မော အဗျာကတဿ အသံကိလိဋ္ဌဿ ဓမ္မဿ ဟေတုပစ္စယေန ပစ္စယော. (၁)

ကုသလော အသံကိလိဋ္ဌော ဓမ္မော ကုသလဿ အသံကိလိဋ္ဌဿ ဓမ္မဿ အာရမ္မဏပစ္စယေန ပစ္စယော။ ဒွေ.

အဗျာကတော အသံကိလိဋ္ဌော ဓမ္မော အဗျာကတဿ အသံကိလိဋ္ဌဿ ဓမ္မဿ အာရမ္မဏပစ္စယေန ပစ္စယော။ ဒွေ (သံခိတ္တံ).

၁၉. ဟေတုယာ စတ္တာရိ၊ အာရမ္မဏေ စတ္တာရိ၊ အဓိပတိယာ ပဉ္စ၊ အနန္တရေ စတ္တာရိ။ပေ။ ဥပနိဿယေ စတ္တာရိ။ပေ။ အဝိဂတေ သတ္တ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

၁-၇၈. ကုသလတ္တိက-ကိလေသသမ္ပယုတ္တဒုကံ

၁-၇. ပဋိစ္စဝါရာဒိ

ဟေတုပစ္စယော

၂၀. အကုသလံ ကိလေသသမ္ပယုတ္တံ ဓမ္မံ ပဋိစ္စ အကုသလော ကိလေသသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (သံကိလိဋ္ဌဒုကသဒိသံ).

၁-၇၉. ကုသလတ္တိက-ကိလေသသံကိလေသိကဒုကံ

၁-၇. ပဋိစ္စဝါရာဒိ

ဟေတုပစ္စယော

၂၁. အကုသလံ ကိလေသဉ္စေဝ သံကိလေသိကဉ္စ ဓမ္မံ ပဋိစ္စ အကုသလော ကိလေသော စေဝ သံကိလေသိကော စ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၂၂. ကုသလံ သံကိလေသိကဉ္စေဝ နော စ ကိလေသံ ဓမ္မံ ပဋိစ္စ ကုသလော သံကိလေသိကော စေဝ နော စ ကိလေသော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အကုသလံ သံကိလေသိကဉ္စေဝ နော စ ကိလေသံ ဓမ္မံ ပဋိစ္စ အကုသလော သံကိလေသိကော စေဝ နော စ ကိလေသော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ သံကိလေသိကဉ္စေဝ နော စ ကိလေသံ ဓမ္မံ ပဋိစ္စ အဗျာကတော သံကိလေသိကော စေဝ နော စ ကိလေသော ဓမ္မော ဥပ္ပဇ္ဇတိ ဟေတုပစ္စယာ.

ကုသလံ သံကိလေသိကဉ္စေဝ နော စ ကိလေသဉ္စ အဗျာကတံ သံကိလေသိကဉ္စေဝ နော စ ကိလေသဉ္စ ဓမ္မံ ပဋိစ္စ အဗျာကတော သံကိလေသိကော စေဝ နော စ ကိလေသော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ သံကိလေသိကဉ္စေဝ နော စ ကိလေသဉ္စ အဗျာကတံ သံကိလေသိကဉ္စေဝ နော စ ကိလေသဉ္စ ဓမ္မံ ပဋိစ္စ အဗျာကတော သံကိလေသိကော စေဝ နော စ ကိလေသော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၂၃. ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၂၄. ကုသလော သံကိလေသိကော စေဝ နော စ ကိလေသော ဓမ္မော ကုသလဿ သံကိလေသိကဿ စေဝ နော စ ကိလေသဿ ဓမ္မဿ ဟေတုပစ္စယေန ပစ္စယော။ တီဏိ.

အဗျာကတော သံကိလေသိကော စေဝ နော စ ကိလေသော ဓမ္မော အဗျာကတဿ သံကိလေသိကဿ စေဝ နော စ ကိလေသဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၂၅. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ။ပေ။ အဝိဂတေ တေရသ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

၁-၈၀. ကုသလတ္တိက-ကိလေသသံကိလိဋ္ဌဒုကံ

၁-၇. ပဋိစ္စဝါရာဒိ

ဟေတုပစ္စယော

၂၆. အကုသလံ ကိလေသဉ္စေဝ သံကိလိဋ္ဌဉ္စ ဓမ္မံ ပဋိစ္စ အကုသလော ကိလေသော စေဝ သံကိလိဋ္ဌော စ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).

၂၇. အကုသလံ သံကိလိဋ္ဌဉ္စေဝ နော စ ကိလေသံ ဓမ္မံ ပဋိစ္စ အကုသလော သံကိလိဋ္ဌော စေဝ နော စ ကိလေသော ဓမ္မော ဥပ္ပဇ္ဇတိ ဟေတုပစ္စယာ.

ဟေတုယာ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၁-၈၁. ကုသလတ္တိက-ကိလေသကိလေသသမ္ပယုတ္တဒုကံ

၁-၇. ပဋိစ္စဝါရာဒိ

ဟေတုပစ္စယော

၂၈. အကုသလံ ကိလေသဉ္စေဝ ကိလေသသမ္ပယုတ္တဉ္စ ဓမ္မံ ပဋိစ္စ အကုသလော ကိလေသော စေဝ ကိလေသသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ.

ဟေတုယာ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၂၉. အကုသလံ ကိလေသသမ္ပယုတ္တဉ္စေဝ နော စ ကိလေသံ ဓမ္မံ ပဋိစ္စ အကုသလော ကိလေသသမ္ပယုတ္တော စေဝ နော စ ကိလေသော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၁-၈၂. ကုသလတ္တိက-ကိလေသဝိပ္ပယုတ္တသံကိလေသိကဒုကံ

၁-၇. ပဋိစ္စဝါရာဒိ

ဟေတုပစ္စယော

၃၀. ကုသလံ ကိလေသဝိပ္ပယုတ္တံ သံကိလေသိကံ ဓမ္မံ ပဋိစ္စ ကုသလော ကိလေသဝိပ္ပယုတ္တော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ ကိလေသဝိပ္ပယုတ္တံ သံကိလေသိကံ ဓမ္မံ ပဋိစ္စ အဗျာကတော ကိလေသဝိပ္ပယုတ္တော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. ကုသလံ ကိလေသဝိပ္ပယုတ္တံ သံကိလေသိကံ ဓမ္မံ ပဋိစ္စ ကုသလော ကိလေသဝိပ္ပယုတ္တော သံကိလေသိကော စ အဗျာကတော ကိလေသဝိပ္ပယုတ္တော သံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အဗျာကတံ ကိလေသဝိပ္ပယုတ္တံ သံကိလေသိကံ ဓမ္မံ ပဋိစ္စ အဗျာကတော ကိလေသဝိပ္ပယုတ္တော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

ကုသလံ ကိလေသဝိပ္ပယုတ္တံ သံကိလေသိကဉ္စ အဗျာကတံ ကိလေသဝိပ္ပယုတ္တံ သံကိလေသိကဉ္စ ဓမ္မံ ပဋိစ္စ အဗျာကတော ကိလေသဝိပ္ပယုတ္တော သံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၃၁. ဟေတုယာ ပဉ္စ၊ အာရမ္မဏေ ဒွေ။ပေ။ အဝိဂတေ ပဉ္စ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၃၂. ကုသလော ကိလေသဝိပ္ပယုတ္တော သံကိလေသိကော ဓမ္မော ကုသလဿ ကိလေသဝိပ္ပယုတ္တဿ သံကိလေသိကဿ ဓမ္မဿ ဟေတုပစ္စယေန ပစ္စယော။ တီဏိ.

အဗျာကတော ကိလေသဝိပ္ပယုတ္တော သံကိလေသိကော ဓမ္မော အဗျာကတဿ ကိလေသဝိပ္ပယုတ္တဿ သံကိလေသိကဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၃၃. ဟေတုယာ စတ္တာရိ၊ အာရမ္မဏေ စတ္တာရိ။ပေ။ အဝိဂတေ သတ္တ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

၃၄. ကုသလံ ကိလေသဝိပ္ပယုတ္တံ အသံကိလေသိကံ ဓမ္မံ ပဋိစ္စ ကုသလော ကိလေသဝိပ္ပယုတ္တော အသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ.

အဗျာကတံ ကိလေသဝိပ္ပယုတ္တံ အသံကိလေသိကံ ဓမ္မံ ပဋိစ္စ အဗျာကတော ကိလေသဝိပ္ပယုတ္တော အသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ.

ဟေတုယာ ဒွေ။ပေ။ အဝိဂတေ ဒွေ (သံခိတ္တံ. သဟဇာတဝါရမ္ပိ ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၃၅. ကုသလော ကိလေသဝိပ္ပယုတ္တော အသံကိလေသိကော ဓမ္မော ကုသလဿ ကိလေသဝိပ္ပယုတ္တဿ အသံကိလေသိကဿ ဓမ္မဿ ဟေတုပစ္စယေန ပစ္စယော. (၁)

အဗျာကတော ကိလေသဝိပ္ပယုတ္တော အသံကိလေသိကော ဓမ္မော အဗျာကတဿ ကိလေသဝိပ္ပယုတ္တဿ အသံကိလေသိကဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၃၆. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ။ပေ။ ဥပနိဿယေ စတ္တာရိ။ပေ။ အဝိဂတေ ဒွေ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

ကုသလတ္တိကကိလေသဂေါစ္ဆကံ နိဋ္ဌိတံ.