၁-၇. ပဋိစ္စဝါရာဒိ

ပစ္စယစတုက္ကံ

၁၈. အဗျာကတံ အဇ္ဈတ္တိကံ ဓမ္မံ ပဋိစ္စ အဗျာကတော အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ သဟဇာတေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)

၁၉. ကုသလော အဇ္ဈတ္တိကော ဓမ္မော ကုသလဿ အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော. ကုသလော အဇ္ဈတ္တိကော ဓမ္မော အကုသလဿ အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော. ကုသလော အဇ္ဈတ္တိကော ဓမ္မော အဗျာကတဿ အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော. (၃)

အကုသလော အဇ္ဈတ္တိကော ဓမ္မော အကုသလဿ အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဗျာကတော အဇ္ဈတ္တိကော ဓမ္မော အဗျာကတဿ အဇ္ဈတ္တိကဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၂၀. အာရမ္မဏေ နဝ၊ ပုရေဇာတေ တီဏိ။ပေ။ အဝိဂတေ ပဉ္စ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).

၂၁. ကုသလံ ဗာဟိရံ ဓမ္မံ ပဋိစ္စ ကုသလော ဗာဟိရော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ နဝ၊ အာရမ္မဏေ တီဏိ။ပေ။ ဝိပါကေ ဧကံ။ပေ။ အဝိဂတေ နဝ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၂၂. ကုသလော ဗာဟိရော ဓမ္မော ကုသလဿ ဗာဟိရဿ ဓမ္မဿ ဟေတုပစ္စယေန ပစ္စယော (သံခိတ္တံ).

ဟေတုယာ သတ္တ၊ အာရမ္မဏေ နဝ။ပေ။ အဝိဂတေ တေရသ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)