၁-၇. ပဋိစ္စဝါရာဒိ

၁၇. ကုသလံ စိတ္တသမ္ပယုတ္တံ ဓမ္မံ ပဋိစ္စ။ပေ။ ကုသလံ စိတ္တသံသဋ္ဌံ ဓမ္မံ ပဋိစ္စ။ပေ။ ကုသလံ စိတ္တသမုဋ္ဌာနံ ဓမ္မံ ပဋိစ္စ။ပေ။ ကုသလံ စိတ္တသဟဘုံ ဓမ္မံ ပဋိစ္စ။ပေ။ ကုသလံ စိတ္တာနုပရိဝတ္တိံ ဓမ္မံ ပဋိစ္စ။ပေ။ ကုသလံ စိတ္တသံသဋ္ဌသမုဋ္ဌာနံ ဓမ္မံ ပဋိစ္စ။ပေ။ ကုသလံ စိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ။ပေ။ ကုသလံ စိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ ကုသလော စိတ္တသံသဋ္ဌသမုဋ္ဌာနာနုပရိဝတ္တိ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ တီဏိ၊ အာရမ္မဏေ တီဏိ။ပေ။ အဝိဂတေ တီဏိ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဉှာဝါရမ္ပိ ဧဝံ ဝိတ္ထာရေတဗ္ဗံ).