၁-၇. ပဋိစ္စဝါရာဒိ

၁၁. ကုသလံ စေတသိကံ ဓမ္မံ ပဋိစ္စ ကုသလော စေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ စေတသိကံ ဓမ္မံ ပဋိစ္စ အကုသလော စေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ စေတသိကံ ဓမ္မံ ပဋိစ္စ အဗျာကတော စေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၁၂. ဟေတုယာ တီဏိ၊ အာရမ္မဏေ တီဏိ။ပေ။ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၁၃. ကုသလော စေတသိကော ဓမ္မော ကုသလဿ စေတသိကဿ ဓမ္မဿ ဟေတုပစ္စယေန ပစ္စယော. (၁)

အကုသလော စေတသိကော ဓမ္မော အကုသလဿ စေတသိကဿ ဓမ္မဿ ဟေတုပစ္စယေန ပစ္စယော. (၁)

အဗျာကတော စေတသိကော ဓမ္မော အဗျာကတဿ စေတသိကဿ ဓမ္မဿ ဟေတုပစ္စယေန ပစ္စယော. (၁)

ကုသလော စေတသိကော ဓမ္မော ကုသလဿ စေတသိကဿ ဓမ္မဿ အာရမ္မဏပစ္စယေန ပစ္စယော။ တီဏိ.

အကုသလော စေတသိကော ဓမ္မော အကုသလဿ စေတသိကဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဗျာကတော စေတသိကော ဓမ္မော အဗျာကတဿ စေတသိကဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၁၄. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ။ပေ။ အဝိဂတေ တီဏိ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

၁၅. ကုသလံ အစေတသိကံ ဓမ္မံ ပဋိစ္စ အဗျာကတော အစေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ အစေတသိကံ ဓမ္မံ ပဋိစ္စ အဗျာကတော အစေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ အစေတသိကံ ဓမ္မံ ပဋိစ္စ အဗျာကတော အစေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

ကုသလံ အစေတသိကဉ္စ အဗျာကတံ အစေတသိကဉ္စ ဓမ္မံ ပဋိစ္စ အဗျာကတော အစေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ အစေတသိကဉ္စ အဗျာကတံ အစေတသိကဉ္စ ဓမ္မံ ပဋိစ္စ အဗျာကတော အစေတသိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၁၆. ဟေတုယာ ပဉ္စ၊ အာရမ္မဏေ ဧကံ။ပေ။ အဝိဂတေ ပဉ္စ.

နဟေတုယာ ဧကံ၊ နအာရမ္မဏေ ပဉ္စ၊ နောဝိဂတေ ပဉ္စ.

(သဟဇာတဝါရမ္ပိ။ပေ။ ပဉှာဝါရမ္ပိ ဧဝံ ဝိတ္ထာရေတဗ္ဗံ.)