၁-၇. ပဋိစ္စဝါရာဒိ
ပစ္စယစတုက္ကံ
၂၃. အဗျာကတော ဥပါဒါ ဓမ္မော အဗျာကတဿ ဥပါဒါ ဓမ္မဿ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ အတ္ထိပစ္စယေန ပစ္စယော။ အဝိဂတပစ္စယေန ပစ္စယော.
အာဟာရေ ဧကံ၊ ဣန္ဒြိယေ အတ္ထိယာ အဝိဂတေ ဧကံ (သံခိတ္တံ).
၂၄. ကုသလံ နောဥပါဒါ ဓမ္မံ ပဋိစ္စ ကုသလော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အကုသလံ နောဥပါဒါ ဓမ္မံ ပဋိစ္စ အကုသလော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အဗျာကတံ နောဥပါဒါ ဓမ္မံ ပဋိစ္စ အဗျာကတော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ. (၁)
ကုသလံ နောဥပါဒါ စ အဗျာကတံ နောဥပါဒါ စ ဓမ္မံ ပဋိစ္စ အဗျာကတော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ. (၁)
အကုသလံ နောဥပါဒါ စ အဗျာကတံ နောဥပါဒါ စ ဓမ္မံ ပဋိစ္စ အဗျာကတော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၂၅. ဟေတုယာ နဝ။ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).
၂၆. ကုသလော နောဥပါဒါ ဓမ္မော ကုသလဿ နောဥပါဒါ ဓမ္မဿ ဟေတုပစ္စယေန ပစ္စယော။ တီဏိ.
အကုသလော နောဥပါဒါ ဓမ္မော အကုသလဿ နောဥပါဒါ ဓမ္မဿ ဟေတုပစ္စယေန ပစ္စယော။ တီဏိ.
အဗျာကတော နောဥပါဒါ ဓမ္မော အဗျာကတဿ နောဥပါဒါ ဓမ္မဿ ဟေတုပစ္စယေန ပစ္စယော. (၁)
၂၇. ကုသလော နောဥပါဒါ ဓမ္မော ကုသလဿ နောဥပါဒါ ဓမ္မဿ အာရမ္မဏပစ္စယေန ပစ္စယော။ တီဏိ.
အကုသလော နောဥပါဒါ ဓမ္မော အကုသလဿ နောဥပါဒါ ဓမ္မဿ အာရမ္မဏပစ္စယေန ပစ္စယော။ တီဏိ.
အဗျာကတော နောဥပါဒါ ဓမ္မော အဗျာကတဿ နောဥပါဒါ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).
၂၈. ဟေတုယာ သတ္တ၊ အာရမ္မဏေ နဝ၊ အဓိပတိယာ ဒသ။ပေ။ အဝိဂတေ ဧကာဒသ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)