၁-၇. ပဋိစ္စဝါရာဒိ

၁၈. သရဏံ သဝိတက္ကသဝိစာရံ ဓမ္မံ ပဋိစ္စ သရဏော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ. (၁)

အရဏံ သဝိတက္ကသဝိစာရံ ဓမ္မံ ပဋိစ္စ အရဏော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၁၉. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ).

၂၀. အရဏံ အဝိတက္ကဝိစာရမတ္တံ ဓမ္မံ ပဋိစ္စ အရဏော အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ။ပေ။ အဝိဂတေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).

၂၁. အရဏံ အဝိတက္ကအဝိစာရံ ဓမ္မံ ပဋိစ္စ အရဏော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ (သဗ္ဗတ္ထ ဧကံ)။ပေ။ အဝိဂတေ ဧကံ (သံခိတ္တံ).