၁-၇. ပဋိစ္စဝါရာဒိ

ပစ္စယစတုက္ကံ

၆၄. သရဏံ အဇ္ဈတ္တံ ဓမ္မံ ပဋိစ္စ သရဏော အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အရဏံ အဇ္ဈတ္တံ ဓမ္မံ ပဋိစ္စ အရဏော အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)

သရဏံ အဇ္ဈတ္တဉ္စ အရဏံ အဇ္ဈတ္တဉ္စ ဓမ္မံ ပဋိစ္စ အရဏော အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၆၅. ဟေတုယာ ပဉ္စ၊ အာရမ္မဏေ ဒွေ။ပေ။ အဝိဂတေ ပဉ္စ. (သံခိတ္တံ.) (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရေတဗ္ဗော.)

၆၆. သရဏံ ဗဟိဒ္ဓါ ဓမ္မံ ပဋိစ္စ သရဏော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အရဏံ ဗဟိဒ္ဓါ ဓမ္မံ ပဋိစ္စ အရဏော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ.

သရဏံ ဗဟိဒ္ဓါ စ အရဏံ ဗဟိဒ္ဓါ စ ဓမ္မံ ပဋိစ္စ အရဏော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ပဉ္စ၊ အာရမ္မဏေ ဒွေ။ပေ။ အဝိဂတေ ပဉ္စ. (သံခိတ္တံ.)

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရေတဗ္ဗော.)