၁-၇. ပဋိစ္စဝါရာဒိ
ပစ္စယစတုက္ကံ
၇. အရဏံ ဝိပါကံ ဓမ္မံ ပဋိစ္စ အရဏော ဝိပါကော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).
၈. သရဏံ ဝိပါကဓမ္မဓမ္မံ ပဋိစ္စ သရဏော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ. (၁)
အရဏံ ဝိပါကဓမ္မဓမ္မံ ပဋိစ္စ အရဏော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၉. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ).
အရဏံ နေဝဝိပါကနဝိပါကဓမ္မဓမ္မံ ပဋိစ္စ အရဏော နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၁၀. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).