၁-၇. ပဋိစ္စဝါရာဒိ

၅၁. သရဏံ မိစ္ဆတ္တနိယတံ ဓမ္မံ ပဋိစ္စ သရဏော မိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၅၂. အရဏံ သမ္မတ္တနိယတံ ဓမ္မံ ပဋိစ္စ အရဏော သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သံခိတ္တံ.) (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၅၃. သရဏံ အနိယတံ ဓမ္မံ ပဋိစ္စ သရဏော အနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အရဏံ အနိယတံ ဓမ္မံ ပဋိစ္စ အရဏော အနိယတော ဓမ္မော ဥပ္ပဇ္ဇတိ ဟေတုပစ္စယာ. (၁)

သရဏံ အနိယတဉ္စ အရဏံ အနိယတဉ္စ ဓမ္မံ ပဋိစ္စ အရဏော အနိယတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၅၄. ဟေတုယာ ပဉ္စ၊ အာရမ္မဏေ ဒွေ။ပေ။ အဝိဂတေ ပဉ္စ (သံခိတ္တံ).

(သဟဇာတဝါရောပိ။ပေ။ ပဉှာဝါရောပိ သဗ္ဗတ္ထ ဝိတ္ထာရေတဗ္ဗာ.)