၁-၇. ပဋိစ္စဝါရာဒိ

ပစ္စယစတုက္ကံ

၄၅. သရဏံ ပရိတ္တာရမ္မဏံ ဓမ္မံ ပဋိစ္စ သရဏော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁)

အရဏံ ပရိတ္တာရမ္မဏံ ဓမ္မံ ပဋိစ္စ အရဏော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ. (သံခိတ္တံ.) (သဟဇာတဝါရောပိ ။ပေ။ ပဉှာဝါရောပိ သဗ္ဗတ္ထ ဝိတ္ထာရေတဗ္ဗာ.)

၄၆. သရဏံ မဟဂ္ဂတာရမ္မဏံ ဓမ္မံ ပဋိစ္စ သရဏော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁)

အရဏံ မဟဂ္ဂတာရမ္မဏံ ဓမ္မံ ပဋိစ္စ အရဏော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ. (သံခိတ္တံ.) (သဟဇာတဝါရောပိ။ပေ။ ပဉှာဝါရောပိ ဝိတ္ထာရေတဗ္ဗာ.)

၄၇. အရဏံ အပ္ပမာဏာရမ္မဏံ ဓမ္မံ ပဋိစ္စ အရဏော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သံခိတ္တံ.) (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)