၁-၇. ပဋိစ္စဝါရာဒိ

ပစ္စယစတုက္ကံ

၄၂. သရဏံ ပရိတ္တံ ဓမ္မံ ပဋိစ္စ သရဏော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အရဏံ ပရိတ္တံ ဓမ္မံ ပဋိစ္စ အရဏော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)

သရဏံ ပရိတ္တဉ္စ အရဏံ ပရိတ္တဉ္စ ဓမ္မံ ပဋိစ္စ အရဏော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ပဉ္စ၊ အာရမ္မဏေ ဒွေ။ပေ။ အဝိဂတေ ပဉ္စ. (သံခိတ္တံ.) (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရေတဗ္ဗော.)

၄၃. အရဏံ မဟဂ္ဂတံ ဓမ္မံ ပဋိစ္စ အရဏော မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သံခိတ္တံ.) (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၄၄. အရဏံ အပ္ပမာဏံ ဓမ္မံ ပဋိစ္စ အရဏော အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)