၁-၇. ပဋိစ္စဝါရာဒိ

၃၄. သရဏံ အာစယဂါမိံ ဓမ္မံ ပဋိစ္စ သရဏော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ. (၁)

အရဏံ အာစယဂါမိံ ဓမ္မံ ပဋိစ္စ အရဏော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၃၅. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ. (သံခိတ္တံ.) (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရေတဗ္ဗော.)

၃၆. အရဏံ အပစယဂါမိံ ဓမ္မံ ပဋိစ္စ အရဏော အပစယဂါမီ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သံခိတ္တံ.) (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၃၇. အရဏံ နေဝါစယဂါမိနာပစယဂါမိံ ဓမ္မံ ပဋိစ္စ အရဏော နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သံခိတ္တံ.) (သဟဇာတဝါရေပိ ။ပေ။ ပဉှာဝါရေပိ သဗ္ဗတ္ထ ဧကံ.)