၁-၇. ပဋိစ္စဝါရာဒိ

၁၀၁. သဥတ္တရံ ကုသလံ ဓမ္မံ ပဋိစ္စ သဥတ္တရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

အနုတ္တရံ ကုသလံ ဓမ္မံ ပဋိစ္စ အနုတ္တရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၁၀၂. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. သဟဇာတဝါရောပိ။ပေ။ ပဉှာဝါရောပိ သဗ္ဗတ္ထ ဝိတ္ထာရေတဗ္ဗာ).

၁၀၃. သဥတ္တရံ အကုသလံ ဓမ္မံ ပဋိစ္စ သဥတ္တရော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).

သဥတ္တရံ အဗျာကတံ ဓမ္မံ ပဋိစ္စ သဥတ္တရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)

အနုတ္တရံ အဗျာကတံ ဓမ္မံ ပဋိစ္စ အနုတ္တရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (၃)

သဥတ္တရံ အဗျာကတဉ္စ အနုတ္တရံ အဗျာကတဉ္စ ဓမ္မံ ပဋိစ္စ သဥတ္တရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၁၀၄. ဟေတုယာ ပဉ္စ၊ အာရမ္မဏေ ဒွေ။ပေ။ အဝိဂတေ ပဉ္စ (သံခိတ္တံ. သဟဇာတဝါရမ္ပိ။ပေ။ ပဉှာဝါရမ္ပိ သဗ္ဗတ္ထ ဝိတ္ထာရေတဗ္ဗံ လောကိယဒုကအဗျာကတသဒိသံ).