၁-၇. ပဋိစ္စဝါရာဒိ

ပစ္စယစတုက္ကံ

၉၄. နိယတံ ကုသလံ ဓမ္မံ ပဋိစ္စ နိယတော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

အနိယတံ ကုသလံ ဓမ္မံ ပဋိစ္စ အနိယတော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၉၅. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. လောကိယဒုကကုသလသဒိသံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ).

၉၆. နိယတံ အကုသလံ ဓမ္မံ ပဋိစ္စ နိယတော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

အနိယတံ အကုသလံ ဓမ္မံ ပဋိစ္စ အနိယတော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၉၇. ဟေတုယာ ဒွေ၊ အာရမ္မဏေ ဒွေ (သဗ္ဗတ္ထ ဒွေ)၊ အဝိဂတေ ဒွေ (သံခိတ္တံ).

နဟေတုယာ ဧကံ၊ နအဓိပတိယာ ဒွေ၊ နပုရေဇာတေ ဧကံ။ပေ။ နကမ္မေ ဒွေ။ပေ။ နဝိပ္ပယုတ္တေ ဧကံ (သံခိတ္တံ. သဟဇာတဝါရာဒိ ဝိတ္ထာရေတဗ္ဗော).

၉၈. နိယတော အကုသလော ဓမ္မော နိယတဿ အကုသလဿ ဓမ္မဿ ဟေတုပစ္စယေန ပစ္စယော. (၁)

အနိယတော အကုသလော ဓမ္မော အနိယတဿ အကုသလဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၉၉. ဟေတုယာ ဒွေ၊ အာရမ္မဏေ တီဏိ၊ အဓိပတိယာ ဒွေ (နိယတေ သဟဇာတာဓိပတိ၊ ဒုတိယေ အာရမ္မဏာဓိပတိ သဟဇာတာဓိပတိ)၊ အနန္တရေ ဒွေ။ပေ။ နိဿယေ ဒွေ၊ ဥပနိဿယေ တီဏိ၊ အာသေဝနေ ဒွေ၊ ကမ္မေ ဒွေ။ပေ။ အဝိဂတေ ဒွေ (သံခိတ္တံ).

၁၀၀. အနိယတံ အဗျာကတံ ဓမ္မံ ပဋိစ္စ အနိယတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).