၁-၇. ပဋိစ္စဝါရာဒိ
ပစ္စယစတုက္ကံ
၉၀. နိယျာနိကံ ကုသလံ ဓမ္မံ ပဋိစ္စ နိယျာနိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
အနိယျာနိကံ ကုသလံ ဓမ္မံ ပဋိစ္စ အနိယျာနိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၉၁. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. လောကိယဒုကသဒိသံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ).
၉၂. အနိယျာနိကံ အကုသလံ ဓမ္မံ ပဋိစ္စ အနိယျာနိကော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၉၃. အနိယျာနိကံ အဗျာကတံ ဓမ္မံ ပဋိစ္စ အနိယျာနိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)