၁-၇. ပဋိစ္စဝါရာဒိ

ပစ္စယစတုက္ကံ

၇၇. အရူပါဝစရံ ကုသလံ ဓမ္မံ ပဋိစ္စ အရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

နအရူပါဝစရံ ကုသလံ ဓမ္မံ ပဋိစ္စ နအရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၇၈. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ).

နအဓိပတိယာ ဒွေ။ပေ။ နအာသေဝနေ ဧကံ။ပေ။ နဝိပ္ပယုတ္တေ ဒွေ (သံခိတ္တံ. သဟဇာတဝါရာဒိ ဝိတ္ထာရေတဗ္ဗော).

၇၉. အရူပါဝစရော ကုသလော ဓမ္မော အရူပါဝစရဿ ကုသလဿ ဓမ္မဿ ဟေတုပစ္စယေန ပစ္စယော. (၁)

နအရူပါဝစရော ကုသလော ဓမ္မော နအရူပါဝစရဿ ကုသလဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၈၀. ဟေတုယာ ဒွေ၊ အာရမ္မဏေ တီဏိ၊ အဓိပတိယာ တီဏိ၊ အနန္တရေ တီဏိ။ပေ။ သဟဇာတေ ဒွေ။ပေ။ ဥပနိဿယေ စတ္တာရိ၊ အာသေဝနေ တီဏိ၊ ကမ္မေ ဒွေ။ပေ။ အတ္ထိယာ ဒွေ၊ နတ္ထိယာ တီဏိ။ပေ။ အဝိဂတေ ဒွေ (သံခိတ္တံ).

၈၁. နအရူပါဝစရံ အကုသလံ ဓမ္မံ ပဋိစ္စ နအရူပါဝစရော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဧကံ (သဗ္ဗတ္ထ ဧကံ၊ သံခိတ္တံ).

အရူပါဝစရံ အဗျာကတံ ဓမ္မံ ပဋိစ္စ အရူပါဝစရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နအရူပါဝစရံ အဗျာကတံ ဓမ္မံ ပဋိစ္စ နအရူပါဝစရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)

အရူပါဝစရံ အဗျာကတဉ္စ နအရူပါဝစရံ အဗျာကတဉ္စ ဓမ္မံ ပဋိစ္စ နအရူပါဝစရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၈၂. ဟေတုယာ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ။ပေ။ အဝိဂတေ ပဉ္စ (သံခိတ္တံ).

နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ ဒွေ။ပေ။ နပုရေဇာတေ စတ္တာရိ၊ နပစ္ဆာဇာတေ နအာသေဝနေ ပဉ္စ၊ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ။ပေ။ နဝိပ္ပယုတ္တေ ဒွေ။ပေ။ နောဝိဂတေ တီဏိ (သံခိတ္တံ. သဟဇာတဝါရာဒိ ဝိတ္ထာရေတဗ္ဗော).

၈၃. အရူပါဝစရော အဗျာကတော ဓမ္မော အရူပါဝစရဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.

နအရူပါဝစရော အဗျာကတော ဓမ္မော နအရူပါဝစရဿ အဗျာကတဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၈၄. ဟေတုယာ စတ္တာရိ၊ အာရမ္မဏေ တီဏိ (အရူပါဝစရမူလေ ဒွေ၊ နအရူပါဝစရေ ဧကံ)၊ အဓိပတိယာ စတ္တာရိ (အရူပါဝစရမူလေ တီဏိ၊ နအရူပေ ဧကံ)၊ အနန္တရေ စတ္တာရိ။ပေ။ သဟဇာတေ ပဉ္စ၊ အညမညေ ဒွေ၊ နိဿယေ သတ္တ၊ ဥပနိဿယေ စတ္တာရိ၊ ပုရေဇာတေ ဒွေ၊ ပစ္ဆာဇာတေ ဒွေ၊ အာသေဝနေ တီဏိ၊ ကမ္မေ စတ္တာရိ၊ ဝိပါကေ ဒွေ။ပေ။ သမ္ပယုတ္တေ ဒွေ၊ ဝိပ္ပယုတ္တေ တီဏိ၊ အတ္ထိယာ သတ္တ၊ နတ္ထိယာ စတ္တာရိ။ပေ။ အဝိဂတေ သတ္တ (သံခိတ္တံ).