၁-၇. ပဋိစ္စဝါရာဒိ

ပစ္စယစတုက္ကံ

၇၁. ရူပါဝစရံ ကုသလံ ဓမ္မံ ပဋိစ္စ ရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

နရူပါဝစရံ ကုသလံ ဓမ္မံ ပဋိစ္စ နရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၇၂. ဟေတုယာ ဒွေ၊ အာရမ္မဏေ ဒွေ (သဗ္ဗတ္ထ ဒွေ၊ သံခိတ္တံ).

နအဓိပတိယာ ဒွေ။ပေ။ နပုရေဇာတေ ဧကံ၊ နအာသေဝနေ ဧကံ။ပေ။ နဝိပ္ပယုတ္တေ ဧကံ (သံခိတ္တံ. သဟဇာတဝါရာဒိ ဝိတ္ထာရေတဗ္ဗော).

၇၃. ရူပါဝစရော ကုသလော ဓမ္မော ရူပါဝစရဿ ကုသလဿ ဓမ္မဿ ဟေတုပစ္စယေန ပစ္စယော. (၁)

နရူပါဝစရော ကုသလော ဓမ္မော နရူပါဝစရဿ ကုသလဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၇၄. ဟေတုယာ ဒွေ၊ အာရမ္မဏေ စတ္တာရိ၊ အဓိပတိယာ တီဏိ (ရူပါဝစရေ ဧကံ၊ သဟဇာတာဓိပတိယေဝ၊ နရူပါဝစရေ ဒွေ)၊ အနန္တရေ တီဏိ (ရူပါဝစရေ ဧကံ၊ နရူပါဝစရေ ဒွေ)၊ သမနန္တရေ တီဏိ၊ သဟဇာတေ ဒွေ။ပေ။ ဥပနိဿယေ စတ္တာရိ၊ အာသေဝနေ တီဏိ၊ ကမ္မေ ဒွေ။ပေ။ အတ္ထိယာ ဒွေ၊ နတ္ထိယာ တီဏိ။ပေ။ အဝိဂတေ ဒွေ (သံခိတ္တံ).

၇၅. နရူပါဝစရံ အကုသလံ ဓမ္မံ ပဋိစ္စ နရူပါဝစရော အကုသလော ဓမ္မော ဥပ္ပဇ္ဇတိ ဟေတုပစ္စယာ (သဗ္ဗတ္ထ ဧကံ).

ရူပါဝစရံ အဗျာကတံ ဓမ္မံ ပဋိစ္စ ရူပါဝစရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နရူပါဝစရံ အဗျာကတံ ဓမ္မံ ပဋိစ္စ နရူပါဝစရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ရူပါဝစရံ အဗျာကတဉ္စ နရူပါဝစရံ အဗျာကတဉ္စ ဓမ္မံ ပဋိစ္စ ရူပါဝစရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၇၆. ဟေတုယာ နဝ၊ အာရမ္မဏေ စတ္တာရိ၊ အဓိပတိယာ ပဉ္စ။ပေ။ ပုရေဇာတေ အာသေဝနေ ဒွေ။ပေ။ အဝိဂတေ နဝ (သံခိတ္တံ. ယထာ ကာမာဝစရဒုကအဗျာကတသဒိသံ၊ ဧတ္တကာယေဝ ပဉှာ ဟေဋ္ဌုပရိကံ ပရိဝတ္တန္တိ. သဟဇာတဝါရမ္ပိ။ပေ။ ပဉှာဝါရမ္ပိ သဗ္ဗတ္ထ ဝိတ္ထာရေတဗ္ဗံ).