၁-၇. ပဋိစ္စဝါရာဒိ

ပစ္စယစတုက္ကံ

၄၅. သပ္ပီတိကံ ကုသလံ ဓမ္မံ ပဋိစ္စ သပ္ပီတိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. သပ္ပီတိကံ ကုသလံ ဓမ္မံ ပဋိစ္စ အပ္ပီတိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. သပ္ပီတိကံ ကုသလံ ဓမ္မံ ပဋိစ္စ သပ္ပီတိကော ကုသလော စ အပ္ပီတိကော ကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အပ္ပီတိကံ ကုသလံ ဓမ္မံ ပဋိစ္စ အပ္ပီတိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. အပ္ပီတိကံ ကုသလံ ဓမ္မံ ပဋိစ္စ သပ္ပီတိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၂)

သပ္ပီတိကံ ကုသလဉ္စ အပ္ပီတိကံ ကုသလဉ္စ ဓမ္မံ ပဋိစ္စ သပ္ပီတိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၄၆. ဟေတုယာ ဆ (သဗ္ဗတ္ထ ဆ)။ပေ။ အဝိဂတေ ဆ (သံခိတ္တံ).

နအဓိပတိယာ ဆ၊ နပုရေဇာတေ ဆ။ပေ။ နကမ္မေ စတ္တာရိ၊ နဝိပ္ပယုတ္တေ ဆ (သံခိတ္တံ. သဟဇာတဝါရမ္ပိ ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ).

၄၇. သပ္ပီတိကော ကုသလော ဓမ္မော သပ္ပီတိကဿ ကုသလဿ ဓမ္မဿ ဟေတုပစ္စယေန ပစ္စယော။ တီဏိ.

အပ္ပီတိကော ကုသလော ဓမ္မော အပ္ပီတိကဿ ကုသလဿ ဓမ္မဿ ဟေတုပစ္စယေန ပစ္စယော. (၁)

သပ္ပီတိကော ကုသလော ဓမ္မော သပ္ပီတိကဿ ကုသလဿ ဓမ္မဿ အာရမ္မဏပစ္စယေန ပစ္စယော (သံခိတ္တံ).

၄၈. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ (စတ္တာရိ သဟဇာတာဓိပတိ)၊ အနန္တရေ နဝ၊ သမနန္တရေ နဝ၊ သဟဇာတေ ဆ။ပေ။ ဥပနိဿယေ နဝ၊ အာသေဝနေ နဝ၊ ကမ္မေ စတ္တာရိ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ ဆ၊ မဂ္ဂေ စတ္တာရိ၊ သမ္ပယုတ္တေ ဆ၊ အတ္ထိယာ ဆ၊ နတ္ထိယာ နဝ၊ ဝိဂတေ နဝ၊ အဝိဂတေ ဆ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ စတ္တာရိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

အကုသလပဒံ

ဟေတုပစ္စယော

၄၉. သပ္ပီတိကံ အကုသလံ ဓမ္မံ ပဋိစ္စ သပ္ပီတိကော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အပ္ပီတိကံ အကုသလံ ဓမ္မံ ပဋိစ္စ အပ္ပီတိကော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဒွေ.

သပ္ပီတိကံ အကုသလဉ္စ အပ္ပီတိကံ အကုသလဉ္စ ဓမ္မံ ပဋိစ္စ သပ္ပီတိကော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၅၀. ဟေတုယာ ဆ၊ အာရမ္မဏေ ဆ။ပေ။ အဝိဂတေ ဆ (သံခိတ္တံ. ကုသလသဒိသံ. သဟဇာတဝါရောပိ။ပေ။ ပဉှာဝါရောပိ ဝိတ္ထာရေတဗ္ဗာ).

အဗျာကတပဒံ

ဟေတုပစ္စယော

၅၁. သပ္ပီတိကံ အဗျာကတံ ဓမ္မံ ပဋိစ္စ သပ္ပီတိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အပ္ပီတိကံ အဗျာကတံ ဓမ္မံ ပဋိစ္စ အပ္ပီတိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

သပ္ပီတိကံ အဗျာကတဉ္စ အပ္ပီတိကံ အဗျာကတဉ္စ ဓမ္မံ ပဋိစ္စ သပ္ပီတိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၅၂. ဟေတုယာ နဝ၊ အာရမ္မဏေ နဝ။ပေ။ ပုရေဇာတေ ဆ၊ အာသေဝနေ ဆ။ပေ။ အဝိဂတေ နဝ (သံခိတ္တံ).

နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ။ပေ။ နကမ္မေ စတ္တာရိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဆ။ပေ။ (သံခိတ္တံ. သဟဇာတဝါရာဒိ ဝိတ္ထာရေတဗ္ဗော).

၅၃. သပ္ပီတိကော အဗျာကတော ဓမ္မော သပ္ပီတိကဿ အဗျာကတဿ ဓမ္မဿ ဟေတုပစ္စယေန ပစ္စယော (သံခိတ္တံ).

၅၄. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ။ပေ။ (သဗ္ဗတ္ထ နဝ)၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ စတ္တာရိ၊ ဝိပါကေ နဝ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ နဝ၊ မဂ္ဂေ စတ္တာရိ၊ သမ္ပယုတ္တေ ဆ၊ ဝိပ္ပယုတ္တေ ပဉ္စ၊ အတ္ထိယာ နဝ။ပေ။ အဝိဂတေ နဝ (သံခိတ္တံ).