၁-၇. ပဋိစ္စဝါရာဒိ
ပစ္စယစတုက္ကံ
၃၇. သဝိစာရံ ကုသလံ ဓမ္မံ ပဋိစ္စ သဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အဝိစာရံ ကုသလံ ဓမ္မံ ပဋိစ္စ အဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဒွေ.
သဝိစာရံ ကုသလဉ္စ အဝိစာရံ ကုသလဉ္စ ဓမ္မံ ပဋိစ္စ သဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၃၈. ဟေတုယာ ဆ၊ အာရမ္မဏေ ဆ။ပေ။ အဝိဂတေ ဆ (သံခိတ္တံ. သဝိတက္ကဒုကကုသလသဒိသံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ).
၃၉. သဝိစာရံ အကုသလံ ဓမ္မံ ပဋိစ္စ သဝိစာရော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အဝိစာရံ အကုသလံ ဓမ္မံ ပဋိစ္စ သဝိစာရော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
သဝိစာရံ အကုသလဉ္စ အဝိစာရံ အကုသလဉ္စ ဓမ္မံ ပဋိစ္စ သဝိစာရော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၄၀. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ. သဝိတက္ကဒုကအကုသလသဒိသံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ).
၄၁. သဝိစာရံ အဗျာကတံ ဓမ္မံ ပဋိစ္စ သဝိစာရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အဝိစာရံ အဗျာကတံ ဓမ္မံ ပဋိစ္စ အဝိစာရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
သဝိစာရံ အဗျာကတဉ္စ အဝိစာရံ အဗျာကတဉ္စ ဓမ္မံ ပဋိစ္စ သဝိစာရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).
၄၂. ဟေတုယာ နဝ၊ အာရမ္မဏေ နဝ။ပေ။ ဝိပါကေ နဝ။ပေ။ အဝိဂတေ နဝ (သံခိတ္တံ. သဝိတက္ကဒုကအဗျာကတသဒိသံ. သဟဇာတဝါရောပိ။ပေ။ သမ္ပယုတ္တဝါရောပိ ဝိတ္ထာရေတဗ္ဗာ).
၄၃. သဝိစာရော အဗျာကတော ဓမ္မော သဝိစာရဿ အဗျာကတဿ ဓမ္မဿ ဟေတုပစ္စယေန ပစ္စယော (သံခိတ္တံ).
၄၄. ဟေတုယာ စတ္တာရိ၊ အာရမ္မဏေ နဝ။ပေ။ မဂ္ဂေ စတ္တာရိ ။ပေ။ အဝိဂတေ နဝ (သံခိတ္တံ).
နဟေတုယာ နဝ၊ နအာရမ္မဏေ နဝ (သံခိတ္တံ).
ဟေတုပစ္စယာ နအာရမ္မဏေ စတ္တာရိ (သံခိတ္တံ).
နဟေတုပစ္စယာ အာရမ္မဏေ နဝ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)