၁-၇. ပဋိစ္စဝါရာဒိ

ပစ္စယစတုက္ကံ

၁. နဒဿနေန ပဟာတဗ္ဗံ ကုသလံ ဓမ္မံ ပဋိစ္စ နဒဿနေန ပဟာတဗ္ဗော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ၊ အဓိပတိယာ ဧကံ။ပေ။ အဝိဂတေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).

၂. ဒဿနေန ပဟာတဗ္ဗံ အကုသလံ ဓမ္မံ ပဋိစ္စ ဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဒွေ၊ အာရမ္မဏေ ဒွေ၊ အဓိပတိယာ ဒွေ။ပေ။ အဝိဂတေ ဒွေ (သံခိတ္တံ).

၃. ဒဿနေန ပဟာတဗ္ဗံ အကုသလံ ဓမ္မံ ပဋိစ္စ ဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော. (၁)

နဒဿနေန ပဟာတဗ္ဗံ အကုသလံ ဓမ္မံ ပဋိစ္စ နဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ နဟေတုပစ္စယာ. (၁) (သံခိတ္တံ.)

၄. နဟေတုယာ ဒွေ၊ နအဓိပတိယာ ဒွေ၊ နပုရေဇာတေ ဒွေ။ပေ။ နကမ္မေ ဒွေ၊ နဝိပါကေ ဒွေ၊ နဝိပ္ပယုတ္တေ ဒွေ (သံခိတ္တံ. သဟဇာတဝါရေပိ။ပေ။ သမ္ပယုတ္တဝါရေပိ သဗ္ဗတ္ထ ဝိတ္ထာရေတဗ္ဗံ).

၅. ဒဿနေန ပဟာတဗ္ဗော အကုသလော ဓမ္မော ဒဿနေန ပဟာတဗ္ဗဿ အကုသလဿ ဓမ္မဿ ဟေတုပစ္စယေန ပစ္စယော. (၁)

နဒဿနေန ပဟာတဗ္ဗော အကုသလော ဓမ္မော နဒဿနေန ပဟာတဗ္ဗဿ အကုသလဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၆. ဟေတုယာ ဒွေ၊ အာရမ္မဏေ တီဏိ (ဒဿနေ ဧကံ၊ နဒဿနေ ဒွေ)၊ အဓိပတိယာ တီဏိ (ဒဿနေန ပဟာတဗ္ဗမူလကံ ဧကံ၊ နဒဿနေ ဒွေ၊ အာရမ္မဏာဓိပတိ၊ သဟဇာတာဓိပတိ၊ ဧကာရမ္မဏာဓိပတိ)၊ အနန္တရေ ဒွေ (ဒဿနမူလကံ ဧကံ၊ နဒဿနေ ဧကံ)၊ သမနန္တရေ ဒွေ၊ သဟဇာတေ ဒွေ။ပေ။ ဥပနိဿယေ တီဏိ၊ အာသေဝနေ ဒွေ၊ ကမ္မေ ဒွေ၊ အာဟာရေ ဒွေ။ပေ။ သမ္ပယုတ္တေ ဒွေ၊ အတ္ထိယာ ဒွေ၊ နတ္ထိယာ ဒွေ။ပေ။ အဝိဂတေ ဒွေ (သံခိတ္တံ).

၇. နဒဿနေန ပဟာတဗ္ဗံ အဗျာကတံ ဓမ္မံ ပဋိစ္စ နဒဿနေန ပဟာတဗ္ဗော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ ။ပေ။ ပဉှာဝါရေပိ သဗ္ဗတ္ထ ဧကံ.)