၁-၇. ပဋိစ္စဝါရာဒိ

ပစ္စယစတုက္ကံ

၂၈. ကိလေသဝိပ္ပယုတ္တံ သံကိလေသိကံ ကုသလံ ဓမ္မံ ပဋိစ္စ ကိလေသဝိပ္ပယုတ္တော သံကိလေသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

ကိလေသဝိပ္ပယုတ္တံ အသံကိလေသိကံ ကုသလံ ဓမ္မံ ပဋိစ္စ ကိလေသဝိပ္ပယုတ္တော အသံကိလေသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၂၉. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. လောကိယဒုကကုသလသဒိသံ. သဟဇာတဝါရေပိ။ပေ။ ပဉှာဝါရေပိ ဝိတ္ထာရေတဗ္ဗံ).

၃၀. ကိလေသဝိပ္ပယုတ္တံ သံကိလေသိကံ အဗျာကတံ ဓမ္မံ ပဋိစ္စ ကိလေသဝိပ္ပယုတ္တော သံကိလေသိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)

ကိလေသဝိပ္ပယုတ္တံ အသံကိလေသိကံ အဗျာကတံ ဓမ္မံ ပဋိစ္စ ကိလေသဝိပ္ပယုတ္တော အသံကိလေသိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ကိလေသဝိပ္ပယုတ္တံ သံကိလေသိကံ အဗျာကတဉ္စ ကိလေသဝိပ္ပယုတ္တံ အသံကိလေသိကံ အဗျာကတဉ္စ ဓမ္မံ ပဋိစ္စ ကိလေသဝိပ္ပယုတ္တော သံကိလေသိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၃၁. ဟေတုယာ ပဉ္စ၊ အာရမ္မဏေ ဒွေ။ပေ။ အာသေဝနေ ဧကံ။ပေ။ အဝိဂတေ ပဉ္စ (သံခိတ္တံ. လောကိယဒုကအဗျာကတသဒိသံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရေတဗ္ဗံ).

ကိလေသဂေါစ္ဆကကုသလတ္တိကံ နိဋ္ဌိတံ.