၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁. နောကိလေသံ ကုသလံ ဓမ္မံ ပဋိစ္စ နောကိလေသော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၂. ကိလေသံ အကုသလံ ဓမ္မံ ပဋိစ္စ ကိလေသော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နောကိလေသံ အကုသလံ ဓမ္မံ ပဋိစ္စ နောကိလေသော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ကိလေသံ အကုသလဉ္စ နောကိလေသံ အကုသလဉ္စ ဓမ္မံ ပဋိစ္စ ကိလေသော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၃. ဟေတုယာ နဝ၊ အာရမ္မဏေ နဝ (သဗ္ဗတ္ထ နဝ)၊ အဝိဂတေ နဝ (သံခိတ္တံ).

၄. ကိလေသံ အကုသလံ ဓမ္မံ ပဋိစ္စ ကိလေသော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆံ ပဋိစ္စ ဝိစိကိစ္ဆာသဟဂတော မောဟော၊ ဥဒ္ဓစ္စံ ပဋိစ္စ ဥဒ္ဓစ္စသဟဂတော မောဟော (၁).

နောကိလေသံ အကုသလံ ဓမ္မံ ပဋိစ္စ ကိလေသော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁)

ကိလေသံ အကုသလဉ္စ နောကိလေသံ အကုသလဉ္စ ဓမ္မံ ပဋိစ္စ ကိလေသော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ စ ဝိစိကိစ္ဆဉ္စ ပဋိစ္စ ဝိစိကိစ္ဆာသဟဂတော မောဟော၊ ဥဒ္ဓစ္စသဟဂတေ ခန္ဓေ စ ဥဒ္ဓစ္စဉ္စ ပဋိစ္စ ဥဒ္ဓစ္စသဟဂတော မောဟော. (၁) (သံခိတ္တံ.)

၅. နဟေတုယာ တီဏိ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ၊ သဟဇာတဝါရာဒိ ဝိတ္ထာရေတဗ္ဗော).

၆. ကိလေသော အကုသလော ဓမ္မော ကိလေသဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ).

၇. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ (မဇ္ဈေ တီဏိ သဟဇာတာဓိပတိ)၊ အနန္တရေ နဝ၊ သမနန္တရေ နဝ။ပေ။ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ။ပေ။ အဝိဂတေ နဝ (သံခိတ္တံ).

နောကိလေသံ အဗျာကတံ ဓမ္မံ ပဋိစ္စ နောကိလေသော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၈. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)