၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၉. စိတ္တသမ္ပယုတ္တံ ကုသလံ ဓမ္မံ ပဋိစ္စ စိတ္တသမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၃၀. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၃၁. စိတ္တသမ္ပယုတ္တံ အကုသလံ ဓမ္မံ ပဋိစ္စ စိတ္တသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၃၂. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ). (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

အဗျာကတပဒံ – ဟေတုပစ္စယော

၃၃. စိတ္တသမ္ပယုတ္တံ အဗျာကတံ ဓမ္မံ ပဋိစ္စ စိတ္တသမ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. စိတ္တသမ္ပယုတ္တံ အဗျာကတံ ဓမ္မံ ပဋိစ္စ စိတ္တဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. စိတ္တသမ္ပယုတ္တံ အဗျာကတံ ဓမ္မံ ပဋိစ္စ စိတ္တသမ္ပယုတ္တော အဗျာကတော စ စိတ္တဝိပ္ပယုတ္တော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

စိတ္တဝိပ္ပယုတ္တံ အဗျာကတံ ဓမ္မံ ပဋိစ္စ စိတ္တဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. စိတ္တဝိပ္ပယုတ္တံ အဗျာကတံ ဓမ္မံ ပဋိစ္စ စိတ္တသမ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. စိတ္တဝိပ္ပယုတ္တံ အဗျာကတံ ဓမ္မံ ပဋိစ္စ စိတ္တသမ္ပယုတ္တော အဗျာကတော စ စိတ္တဝိပ္ပယုတ္တော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

စိတ္တသမ္ပယုတ္တံ အဗျာကတဉ္စ စိတ္တဝိပ္ပယုတ္တံ အဗျာကတဉ္စ ဓမ္မံ ပဋိစ္စ စိတ္တသမ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. စိတ္တသမ္ပယုတ္တံ အဗျာကတဉ္စ စိတ္တဝိပ္ပယုတ္တံ အဗျာကတဉ္စ ဓမ္မံ ပဋိစ္စ စိတ္တဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. စိတ္တသမ္ပယုတ္တံ အဗျာကတဉ္စ စိတ္တဝိပ္ပယုတ္တံ အဗျာကတဉ္စ ဓမ္မံ ပဋိစ္စ စိတ္တသမ္ပယုတ္တော အဗျာကတော စ စိတ္တဝိပ္ပယုတ္တော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

၃၄. ဟေတုယာ နဝ၊ အာရမ္မဏေ တီဏိ၊ အဓိပတိယာ ပဉ္စ။ပေ။ အညမညေ ဆ။ပေ။ ပုရေဇာတေ ဧကံ၊ အာသေဝနေ ဧကံ၊ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).

နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ။ပေ။ နပုရေဇာတေ နဝ။ပေ။ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဒွေ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ (သံခိတ္တံ၊ သဟဇာတဝါရာဒိ ဝိတ္ထာရေတဗ္ဗော).

ဟေတု-အာရမ္မဏပစ္စယာ

၃၅. စိတ္တသမ္ပယုတ္တော အဗျာကတော ဓမ္မော စိတ္တသမ္ပယုတ္တဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.

စိတ္တသမ္ပယုတ္တော အဗျာကတော ဓမ္မော စိတ္တသမ္ပယုတ္တဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)

စိတ္တဝိပ္ပယုတ္တော အဗျာကတော ဓမ္မော စိတ္တသမ္ပယုတ္တဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁) (သံခိတ္တံ.)

၃၆. ဟေတုယာ တီဏိ၊ အာရမ္မဏေ ဒွေ၊ အဓိပတိယာ စတ္တာရိ၊ အနန္တရေ ဧကံ။ပေ။ သဟဇာတေ သတ္တ၊ အညမညေ ဆ၊ နိဿယေ သတ္တ၊ ဥပနိဿယေ ဒွေ၊ ပုရေဇာတေ ဧကံ၊ ပစ္ဆာဇာတေ ဧကံ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ အာဟာရေ စတ္တာရိ၊ ဣန္ဒြိယေ ဆ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ ဒွေ (သံခိတ္တံ).