၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၉၂. နောဥပါဒါ ကုသလံ ဓမ္မံ ပဋိစ္စ နောဥပါဒါ ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၉၃. နောဥပါဒါ အကုသလံ ဓမ္မံ ပဋိစ္စ နောဥပါဒါ အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ ။ပေ။ ပဉှာဝါရေပိ သဗ္ဗတ္ထ ဧကံ.)
၉၄. ဥပါဒါ အဗျာကတံ ဓမ္မံ ပဋိစ္စ နောဥပါဒါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)
နောဥပါဒါ အဗျာကတံ ဓမ္မံ ပဋိစ္စ နောဥပါဒါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နောဥပါဒါ အဗျာကတံ ဓမ္မံ ပဋိစ္စ ဥပါဒါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နောဥပါဒါ အဗျာကတံ ဓမ္မံ ပဋိစ္စ ဥပါဒါ အဗျာကတော စ နောဥပါဒါ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
ဥပါဒါ အဗျာကတဉ္စ နောဥပါဒါ အဗျာကတဉ္စ ဓမ္မံ ပဋိစ္စ နောဥပါဒါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၉၅. ဟေတုယာ ပဉ္စ၊ အာရမ္မဏေ တီဏိ။ပေ။ အညမညေ ပဉ္စ။ပေ။ ပုရေဇာတေ ဧကံ၊ အာသေဝနေ ဧကံ၊ ကမ္မေ ပဉ္စ၊ ဝိပါကေ ပဉ္စ။ပေ။ အဝိဂတေ ပဉ္စ (သံခိတ္တံ).
နဟေတုယာ ပဉ္စ၊ နအာရမ္မဏေ တီဏိ၊ နအဓိပတိယာ ပဉ္စ။ပေ။ နပုရေဇာတေ ပဉ္စ။ပေ။ နကမ္မေ တီဏိ၊ နဝိပါကေ တီဏိ၊ နအာဟာရေ တီဏိ၊ နဣန္ဒြိယေ တီဏိ၊ နဈာနေ တီဏိ၊ နမဂ္ဂေ ပဉ္စ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ.)
ဟေတုအာရမ္မဏပစ္စယာဒိ
၉၆. နောဥပါဒါ အဗျာကတော ဓမ္မော နောဥပါဒါ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.
ဥပါဒါ အဗျာကတော ဓမ္မော နောဥပါဒါ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)
နောဥပါဒါ အဗျာကတော ဓမ္မော နောဥပါဒါ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)
နောဥပါဒါ အဗျာကတော ဓမ္မော နောဥပါဒါ အဗျာကတဿ ဓမ္မဿ အဓိပတိပစ္စယေန ပစ္စယော။ တီဏိ (ပဌမေ ဒွေပိ အဓိပတီ၊ ဒွီသု သဟဇာတာဓိပတိ).
ဥပါဒါ အဗျာကတော ဓမ္မော နောဥပါဒါ အဗျာကတဿ ဓမ္မဿ ဥပနိဿယပစ္စယေန ပစ္စယော. (၁)
နောဥပါဒါ အဗျာကတော ဓမ္မော နောဥပါဒါ အဗျာကတဿ ဓမ္မဿ ဥပနိဿယပစ္စယေန ပစ္စယော. (၁) (သံခိတ္တံ.)
၉၇. ဥပနိဿယေ ဒွေ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ အာဟာရေ ဆ၊ ဣန္ဒြိယေ သတ္တ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ စတ္တာရိ၊ အတ္ထိယာ နဝ။ပေ။ အဝိဂတေ နဝ (သံခိတ္တံ).