၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၇၉. စိတ္တသံသဋ္ဌသမုဋ္ဌာနာနုပရိဝတ္တိံ ကုသလံ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နောစိတ္တသံသဋ္ဌသမုဋ္ဌာနာနုပရိဝတ္တိံ ကုသလံ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

စိတ္တသံသဋ္ဌသမုဋ္ဌာနာနုပရိဝတ္တိံ ကုသလဉ္စ နောစိတ္တသံသဋ္ဌသမုဋ္ဌာနာနုပရိဝတ္တိံ ကုသလဉ္စ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၈၀. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ).

(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)

၈၁. စိတ္တသံသဋ္ဌသမုဋ္ဌာနာနုပရိဝတ္တိံ အကုသလံ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တီ အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၈၂. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ).

(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)

၈၃. စိတ္တသံသဋ္ဌသမုဋ္ဌာနာနုပရိဝတ္တိံ အဗျာကတံ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သံခိတ္တံ. စိတ္တသံသဋ္ဌသမုဋ္ဌာနဒုကအဗျာကတသဒိသံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)