၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၅၉. စိတ္တာနုပရိဝတ္တိံ ကုသလံ ဓမ္မံ ပဋိစ္စ စိတ္တာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နောစိတ္တာနုပရိဝတ္တိံ ကုသလံ ဓမ္မံ ပဋိစ္စ စိတ္တာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

စိတ္တာနုပရိဝတ္တိံ ကုသလဉ္စ နောစိတ္တာနုပရိဝတ္တိံ ကုသလဉ္စ ဓမ္မံ ပဋိစ္စ စိတ္တာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၆၀. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ).

(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)

၆၁. စိတ္တာနုပရိဝတ္တိံ အကုသလံ ဓမ္မံ ပဋိစ္စ စိတ္တာနုပရိဝတ္တီ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နောစိတ္တာနုပရိဝတ္တိံ အကုသလံ ဓမ္မံ ပဋိစ္စ စိတ္တာနုပရိဝတ္တီ အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

စိတ္တာနုပရိဝတ္တိံ အကုသလဉ္စ နောစိတ္တာနုပရိဝတ္တိံ အကုသလဉ္စ ဓမ္မံ ပဋိစ္စ စိတ္တာနုပရိဝတ္တီ အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၆၂. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ).

(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)

၆၃. စိတ္တာနုပရိဝတ္တိံ အဗျာကတံ ဓမ္မံ ပဋိစ္စ စိတ္တာနုပရိဝတ္တီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၆၄. ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ (သံခိတ္တံ. စေတသိကဒုကသဒိသံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)