၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၄၃. စိတ္တသမုဋ္ဌာနံ ကုသလံ ဓမ္မံ ပဋိစ္စ စိတ္တသမုဋ္ဌာနော ကုသလော ဓမ္မော ဥပ္ပဇ္ဇတိ ဟေတုပစ္စယာ. စိတ္တသမုဋ္ဌာနံ ကုသလံ ဓမ္မံ ပဋိစ္စ နောစိတ္တသမုဋ္ဌာနော ကုသလော ဓမ္မော ဥပ္ပဇ္ဇတိ ဟေတုပစ္စယာ. စိတ္တသမုဋ္ဌာနံ ကုသလံ ဓမ္မံ ပဋိစ္စ စိတ္တသမုဋ္ဌာနော ကုသလော စ နောစိတ္တသမုဋ္ဌာနော ကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နောစိတ္တသမုဋ္ဌာနံ ကုသလံ ဓမ္မံ ပဋိစ္စ စိတ္တသမုဋ္ဌာနော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

စိတ္တသမုဋ္ဌာနံ ကုသလဉ္စ နောစိတ္တသမုဋ္ဌာနံ ကုသလဉ္စ ဓမ္မံ ပဋိစ္စ စိတ္တသမုဋ္ဌာနော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၄၄. ဟေတုယာ ပဉ္စ၊ အာရမ္မဏေ ပဉ္စ (သဗ္ဗတ္ထ ပဉ္စ)၊ အဝိဂတေ ပဉ္စ (သံခိတ္တံ).

နအဓိပတိယာ ပဉ္စ၊ နပုရေဇာတေ ပဉ္စ။ပေ။ နကမ္မေ တီဏိ၊ နဝိပါကေ ပဉ္စ။ပေ။ နဝိပ္ပယုတ္တေ ပဉ္စ (သံခိတ္တံ၊ သဟဇာတဝါရာဒိ ဝိတ္ထာရေတဗ္ဗော).

၄၅. စိတ္တသမုဋ္ဌာနော ကုသလော ဓမ္မော စိတ္တသမုဋ္ဌာနဿ ကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ).

၄၆. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ ပဉ္စ။ပေ။ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ ပဉ္စ၊ ဣန္ဒြိယေ ပဉ္စ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ပဉ္စ၊ အတ္ထိယာ ပဉ္စ။ပေ။ အဝိဂတေ ပဉ္စ (သံခိတ္တံ).

၄၇. စိတ္တသမုဋ္ဌာနံ အကုသလံ ဓမ္မံ ပဋိစ္စ စိတ္တသမုဋ္ဌာနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နောစိတ္တသမုဋ္ဌာနံ အကုသလံ ဓမ္မံ ပဋိစ္စ စိတ္တသမုဋ္ဌာနော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

စိတ္တသမုဋ္ဌာနံ အကုသလဉ္စ နောစိတ္တသမုဋ္ဌာနံ အကုသလဉ္စ ဓမ္မံ ပဋိစ္စ စိတ္တသမုဋ္ဌာနော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ).

၄၈. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ).

(ကုသလတ္တိကသဒိသံ သဟဇာတဝါရမ္ပိ ။ပေ။ ပဉှာဝါရမ္ပိ ဝိတ္ထာရေတဗ္ဗံ.)

၄၉. စိတ္တသမုဋ္ဌာနံ အဗျာကတံ ဓမ္မံ ပဋိစ္စ စိတ္တသမုဋ္ဌာနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နောစိတ္တသမုဋ္ဌာနံ အဗျာကတံ ဓမ္မံ ပဋိစ္စ နောစိတ္တသမုဋ္ဌာနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

စိတ္တသမုဋ္ဌာနံ အဗျာကတဉ္စ နောစိတ္တသမုဋ္ဌာနံ အဗျာကတဉ္စ ဓမ္မံ ပဋိစ္စ စိတ္တသမုဋ္ဌာနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၅၀. ဟေတုယာ နဝ၊ အာရမ္မဏေ နဝ၊ အဓိပတိယာ ပဉ္စ (သဗ္ဗတ္ထ နဝ)၊ ပုရေဇာတေ ပဉ္စ၊ အာသေဝနေ ပဉ္စ။ပေ။ အဝိဂတေ နဝ (သံခိတ္တံ).

နဟေတုယာ နဝ၊ နအာရမ္မဏေ ဆ၊ နအဓိပတိယာ နဝ။ပေ။ နကမ္မေ တီဏိ၊ နဝိပါကေ ဆ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဆ၊ နမဂ္ဂေ နဝ၊ နသမ္ပယုတ္တေ ဆ၊ နဝိပ္ပယုတ္တေ ဆ၊ နောနတ္ထိယာ ဆ၊ နောဝိဂတေ ဆ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ.)

၅၁. စိတ္တသမုဋ္ဌာနော အဗျာကတော ဓမ္မော စိတ္တသမုဋ္ဌာနဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.

စိတ္တသမုဋ္ဌာနော အဗျာကတော ဓမ္မော စိတ္တသမုဋ္ဌာနဿ အဗျာကတဿ ဓမ္မဿ အာရမ္မဏပစ္စယေန ပစ္စယော (သံခိတ္တံ).

၅၂. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ (သဗ္ဗတ္ထ နဝ)၊ ပုရေဇာတေ နဝ၊ ပစ္ဆာဇာတေ နဝ၊ အာသေဝနေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ နဝ (စိတ္တသမုဋ္ဌာနမူလံ နောစိတ္တသမုဋ္ဌာနဿ ကဗဠီကာရော အာဟာရော ကာတဗ္ဗော. နောစိတ္တသမုဋ္ဌာနော စိတ္တသမုဋ္ဌာနဿ ကဗဠီကာရော အာဟာရော ဃဋနေ မဇ္ဈေ ကဗဠီကာရော အာဟာရော)၊ ဣန္ဒြိယေ နဝ (ရူပဇီဝိတိန္ဒြိယံ ဧကံ)၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ပဉ္စ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)