၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁. သာရမ္မဏံ ကုသလံ ဓမ္မံ ပဋိစ္စ သာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ (ယထာ သပ္ပစ္စယံ ကုသလံ၊ ဧဝံ ဝိတ္ထာရေတဗ္ဗံ.)

၂. သာရမ္မဏံ အကုသလံ ဓမ္မံ ပဋိစ္စ သာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ (ယထာ သပ္ပစ္စယံ အကုသလံ၊ ဧဝံ ကာတဗ္ဗံ.)

၃. သာရမ္မဏံ အဗျာကတံ ဓမ္မံ ပဋိစ္စ သာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အနာရမ္မဏံ အဗျာကတံ ဓမ္မံ ပဋိစ္စ အနာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

သာရမ္မဏံ အဗျာကတဉ္စ အနာရမ္မဏံ အဗျာကတဉ္စ ဓမ္မံ ပဋိစ္စ သာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၄. ဟေတုယာ နဝ၊ အာရမ္မဏေ တီဏိ၊ အဓိပတိယာ ပဉ္စ။ပေ။ အညမညေ ဆ။ပေ။ ပုရေဇာတေ ဧကံ၊ အာသေဝနေ ဧကံ (သံခိတ္တံ).

နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ။ပေ။ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဒွေ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ).

ဟေတု-အာရမ္မဏ-အဓိပတိပစ္စယာ

၅. သာရမ္မဏော အဗျာကတော ဓမ္မော သာရမ္မဏဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.

၆. သာရမ္မဏော အဗျာကတော ဓမ္မော သာရမ္မဏဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)

အနာရမ္မဏော အဗျာကတော ဓမ္မော သာရမ္မဏဿ အဗျာကတဿ ဓမ္မဿ အာရမ္မဏပစ္စယေန ပစ္စယော.

၇. သာရမ္မဏော အဗျာကတော ဓမ္မော သာရမ္မဏဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ. အနာရမ္မဏော အဗျာကတော ဓမ္မော သာရမ္မဏဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ).

၈. ဟေတုယာ တီဏိ၊ အာရမ္မဏေ ဒွေ၊ အဓိပတိယာ စတ္တာရိ၊ အနန္တရေ ဧကံ။ပေ။ သဟဇာတေ သတ္တ၊ အညမညေ ဆ၊ နိဿယေ သတ္တ၊ ဥပနိဿယေ ဒွေ၊ ပုရေဇာတေ ဧကံ၊ ပစ္ဆာဇာတေ ဧကံ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ ဒွေ (သံခိတ္တံ).