၄. ပစ္စယပစ္စနီယာနုလောမံ

နဟေတုဒုကံ

၉၀. နဟေတုပစ္စယာ အာရမ္မဏေ နဝ၊ အဓိပတိယာ ပဉ္စ၊ အနန္တရေ သတ္တ၊ သမနန္တရေ သတ္တ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ တီဏိ၊ ကမ္မေ အဋ္ဌ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တီဏိ.

တိကံ

နဟေတုပစ္စယာ နအာရမ္မဏပစ္စယာ အဓိပတိယာ တီဏိ၊ အနန္တရေ သတ္တ။ပေ။ အဝိဂတေ တီဏိ။ပေ။.

ဆက္ကံ

နဟေတုပစ္စယာ နအာရမ္မဏပစ္စယာ နအဓိပတိပစ္စယာ နအနန္တရပစ္စယာ နသမနန္တရပစ္စယာ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ ကမ္မေ အဋ္ဌ၊ ဝိပါကေ တီဏိ။ပေ။ အဝိဂတေ တီဏိ။ပေ။.

နဝကံ

နဟေတုပစ္စယာ နအာရမ္မဏပစ္စယာ (မူလကံ သံခိတ္တံ) နနိဿယပစ္စယာ ဥပနိဿယေ နဝ၊ ကမ္မေ အဋ္ဌ။ပေ။.

စတုဝီသကံ (သဥပနိဿယံ)

နဟေတုပစ္စယာ နအာရမ္မဏပစ္စယာ။ပေ။ နဥပနိဿယပစ္စယာ နပုရေဇာတပစ္စယာ နပစ္ဆာဇာတပစ္စယာ နအာသေဝနပစ္စယာ နဝိပါကပစ္စယာ နအာဟာရပစ္စယာ နဣန္ဒြိယပစ္စယာ နဈာနပစ္စယာ နမဂ္ဂပစ္စယာ နသမ္ပယုတ္တပစ္စယာ နဝိပ္ပယုတ္တပစ္စယာ နောအတ္ထိပစ္စယာ နောနတ္ထိပစ္စယာ နောဝိဂတပစ္စယာ နောအဝိဂတပစ္စယာ ကမ္မေ အဋ္ဌ.

စတုဝီသကံ (သကမ္မံ)

နဟေတုပစ္စယာ နအာရမ္မဏပစ္စယာ။ပေ။ နနိဿယပစ္စယာ နပုရေဇာတပစ္စယာ နပစ္ဆာဇာတပစ္စယာ နအာသေဝနပစ္စယာ နကမ္မပစ္စယာ။ပေ။ နောဝိဂတပစ္စယာ နောအဝိဂတပစ္စယာ ဥပနိဿယေ နဝ.

နဟေတုမူလကံ.

နအာရမ္မဏဒုကံ

၉၁. နအာရမ္မဏပစ္စယာ ဟေတုယာ တီဏိ။ပေ။ ကမ္မေ အဋ္ဌ။ပေ။ အဝိဂတေ တီဏိ။ပေ။.

နောအဝိဂတဒုကံ

၉၂. နောအဝိဂတပစ္စယာ အာရမ္မဏေ နဝ၊ အဓိပတိယာ စတ္တာရိ၊ အနန္တရေ သတ္တ၊ သမနန္တရေ သတ္တ၊ ဥပနိဿယေ နဝ၊ အာသေဝနေ တီဏိ၊ ကမ္မေ အဋ္ဌ၊ နတ္ထိယာ သတ္တ၊ ဝိဂတေ သတ္တ။ပေ။.

စတုက္ကံ

နောအဝိဂတပစ္စယာ နဟေတုပစ္စယာ နအာရမ္မဏပစ္စယာ အနန္တရေ သတ္တ၊ သမနန္တရေ သတ္တ၊ ဥပနိဿယေ နဝ၊ အာသေဝနေ တီဏိ၊ ကမ္မေ အဋ္ဌ၊ နတ္ထိယာ သတ္တ၊ ဝိဂတေ သတ္တ။ပေ။.

စတုဝီသကံ (သဥပနိဿယံ)

နောအဝိဂတပစ္စယာ နဟေတုပစ္စယာ နအာရမ္မဏ-နအဓိပတိ-နအနန္တရ-နသမနန္တရနသဟဇာတ-နအညမည-နနိဿယ-နဥပနိဿယ-နပုရေဇာတ-နပစ္ဆာဇာတ-နအာသေဝန-နဝိပါကနအာဟာရ-နဣန္ဒြိယ-နဈာန-နမဂ္ဂ-နသမ္ပယုတ္တ-နဝိပ္ပယုတ္တ-နောအတ္ထိပစ္စယာ နောနတ္ထိပစ္စယာ နောဝိဂတပစ္စယာ ကမ္မေ အဋ္ဌ.

စတုဝီသကံ (သကမ္မံ)

နောအဝိဂတပစ္စယာ နဟေတုပစ္စယာ။ပေ။ နနိဿယပစ္စယာ နပုရေဇာတပစ္စယာ။ပေ။ နကမ္မပစ္စယာ။ပေ။ နောဝိဂတပစ္စယာ ဥပနိဿယေ နဝ.

(ယထာ ကုသလတ္တိကဿ ပစ္စနီယာနုလောမဂဏနာ သဇ္ဈာယမဂ္ဂေန ဂဏိတာ၊ ဧဝံ ဂဏေတဗ္ဗံ.)

ပစ္စနီယာနုလောမံ.

ဝေဒနာတ္တိကံ နိဋ္ဌိတံ.