၂. ဝေဒနာတ္တိကံ

၁. ပဋိစ္စဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၁. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဒုက္ခာယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အာရမ္မဏပစ္စယာဒိ

၂. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ။ အဓိပတိပစ္စယာ (အဓိပတိယာ ပဋိသန္ဓိ နတ္ထိ)။ အနန္တရပစ္စယာ။ သမနန္တရပစ္စယာ။ သဟဇာတပစ္စယာ။ အညမညပစ္စယာ။ နိဿယပစ္စယာ။ ဥပနိဿယပစ္စယာ။ ပုရေဇာတပစ္စယာ – သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော. ဝတ္ထုံ ပုရေဇာတပစ္စယာ (သံခိတ္တံ).

အာသေဝနပစ္စယာဒိ

၃. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ အာသေဝနပစ္စယာ။ ကမ္မပစ္စယာ။ ဝိပါကပစ္စယာ – သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဝိပါကပစ္စယာ – ဒုက္ခသဟဂတံ ကာယဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဝိပါကပစ္စယာ – အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အာဟာရပစ္စယာဒိ

၄. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ အာဟာရပစ္စယာ။ ဣန္ဒြိယပစ္စယာ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ။ ဝိပ္ပယုတ္တပစ္စယာ – သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ဝတ္ထုံ ဝိပ္ပယုတ္တပစ္စယာ၊ ပဋိသန္ဓိက္ခဏေ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော. ဝတ္ထုံ ဝိပ္ပယုတ္တပစ္စယာ.

ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒုက္ခာယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော. ဝတ္ထုံ ဝိပ္ပယုတ္တပစ္စယာ.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ဝတ္ထုံ ဝိပ္ပယုတ္တပစ္စယာ၊ ပဋိသန္ဓိက္ခဏေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော. ဝတ္ထုံ ဝိပ္ပယုတ္တပစ္စယာ (သံခိတ္တံ).

အတ္ထိပစ္စယာဒိ

၅. အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ။.

၁. ပစ္စယာနုလောမံ

၂. သင်္ချာဝါရော

သုဒ္ဓံ

၆. ဟေတုယာ တီဏိ၊ အာရမ္မဏေ တီဏိ။ပေ။ အဝိဂတေ တီဏိ.

ဟေတုအာဒိဒုကာနိ

၇. ဟေတုပစ္စယာ အာရမ္မဏေ တီဏိ။ပေ။ ဝိပါကေ ဒွေ။ပေ။ အဝိဂတေ တီဏိ။ပေ။.

အာရမ္မဏပစ္စယာ အဓိပတိပစ္စယာ ဟေတုယာ တီဏိ။ပေ။ ဝိပါကေ ဒွေ။ပေ။ အဝိဂတေ တီဏိ။ပေ။.

အာသေဝနပစ္စယာ ဟေတုယာ တီဏိ။ပေ။ ကမ္မေ တီဏိ၊ အာဟာရေ တီဏိ။ပေ။ အဝိဂတေ တီဏိ။ပေ။.

ဝိပါကပစ္စယာ ဟေတုယာ ဒွေ၊ အာရမ္မဏေ တီဏိ၊ အဓိပတိယာ ဒွေ။ပေ။ ပုရေဇာတေ တီဏိ၊ ကမ္မေ တီဏိ။ပေ။ ဈာနေ ဒွေ၊ မဂ္ဂေ ဒွေ။ပေ။ အဝိဂတေ တီဏိ။ပေ။.

ဈာနပစ္စယာ ဟေတုယာ တီဏိ။ပေ။ ဝိပါကေ ဒွေ။ပေ။ အဝိဂတေ တီဏိ။ပေ။.

မဂ္ဂပစ္စယာ ဟေတုယာ တီဏိ။ပေ။ ဝိပါကေ ဒွေ။ပေ။ အဝိဂတေ တီဏိ။ပေ။.

အဝိဂတပစ္စယာ ဟေတုယာ တီဏိ။ပေ။ နတ္ထိယာ တီဏိ၊ ဝိဂတေ တီဏိ။ပေ။.

(ယထာ ကုသလတ္တိကဿ ပစ္စယဂဏနာ၊ ဧဝံ ဝိတ္ထာရေတဗ္ဗာ).

၂. ပစ္စယပစ္စနီယံ

၁. ဝိဘင်္ဂဝါရော

နဟေတုပစ္စယော

၈. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဒုက္ခသဟဂတံ ကာယဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ အဟေတုကပဋိသန္ဓိက္ခဏေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော.

နအဓိပတိပစ္စယော

၉. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နအဓိပတိပစ္စယာ (နာဓိပတိ ပရိပုဏ္ဏံ ပဋိသန္ဓိကံ).

နပုရေဇာတပစ္စယော

၁၀. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ ပဋိသန္ဓိက္ခဏေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

နပစ္ဆာဇာတ-နအာသေဝနပစ္စယာ

၁၁. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နပစ္ဆာဇာတပစ္စယာ။ နအာသေဝနပစ္စယာ (နပစ္ဆာဇာတမ္ပိ နအာသေဝနမ္ပိ ပရိပုဏ္ဏံ ပဋိသန္ဓိကံ).

နကမ္မပစ္စယော

၁၂. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – သုခါယ ဝေဒနာယ သမ္ပယုတ္တေ ခန္ဓေ ပဋိစ္စ သုခါယ ဝေဒနာယ သမ္ပယုတ္တာ စေတနာ.

ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – ဒုက္ခာယ ဝေဒနာယ သမ္ပယုတ္တေ ခန္ဓေ ပဋိစ္စ ဒုက္ခာယ ဝေဒနာယ သမ္ပယုတ္တာ စေတနာ.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နကမ္မပစ္စယာ – အဒုက္ခမသုခါယ ဝေဒနာယ သမ္ပယုတ္တေ ခန္ဓေ ပဋိစ္စ အဒုက္ခမသုခါယ ဝေဒနာယ သမ္ပယုတ္တာ စေတနာ.

နဝိပါက-နဈာနပစ္စယာ

၁၃. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဝိပါကပစ္စယာ။ နဈာနပစ္စယာ – သုခသဟဂတံ ကာယဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဈာနပစ္စယာ – ဒုက္ခသဟဂတံ ကာယဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဈာနပစ္စယာ – စတုဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

နမဂ္ဂပစ္စယော

၁၄. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နမဂ္ဂပစ္စယာ – အဟေတုကံ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

ဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နမဂ္ဂပစ္စယာ – ဒုက္ခသဟဂတံ ကာယဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နမဂ္ဂပစ္စယာ – အဟေတုကံ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော၊ အဟေတုကပဋိသန္ဓိက္ခဏေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

နဝိပ္ပယုတ္တပစ္စယော

၁၅. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အဒုက္ခမသုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော.

၂. ပစ္စယပစ္စနီယံ

၂. သင်္ချာဝါရော

သုဒ္ဓံ

၁၆. နဟေတုယာ တီဏိ၊ နအဓိပတိယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဈာနေ တီဏိ၊ နမဂ္ဂေ တီဏိ၊ နဝိပ္ပယုတ္တေ ဒွေ.

နဟေတုဒုကံ

၁၇. နဟေတုပစ္စယာ နအဓိပတိယာ တီဏိ၊ နပုရေဇာတေ ဧကံ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ ဒွေ၊ နဝိပါကေ ဒွေ၊ နဈာနေ တီဏိ၊ နမဂ္ဂေ တီဏိ၊ နဝိပ္ပယုတ္တေ ဧကံ။ပေ။.

စတုက္ကံ

နဟေတုပစ္စယာ နအဓိပတိပစ္စယာ နပုရေဇာတပစ္စယာ နပစ္ဆာဇာတေ ဧကံ၊ နအာသေဝနေ ဧကံ၊ နကမ္မေ ဧကံ၊ နဝိပါကေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဧကံ။ပေ။.

နဝကံ

နဟေတုပစ္စယာ နအဓိပတိပစ္စယာ နပုရေဇာတပစ္စယာ နပစ္ဆာဇာတပစ္စယာ နအာသေဝနပစ္စယာ နကမ္မပစ္စယာ နဝိပါကပစ္စယာ နမဂ္ဂပစ္စယာ နဝိပ္ပယုတ္တေ ဧကံ (သံခိတ္တံ).

နအဓိပတိဒုကံ

၁၈. နအဓိပတိပစ္စယာ နဟေတုယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဈာနေ တီဏိ၊ နမဂ္ဂေ တီဏိ၊ နဝိပ္ပယုတ္တေ ဒွေ (သံခိတ္တံ).

နပုရေဇာတဒုကံ

၁၉. နပုရေဇာတပစ္စယာ နဟေတုယာ ဧကံ၊ နအဓိပတိယာ ဒွေ၊ နပစ္ဆာဇာတေ ဒွေ၊ နအာသေဝနေ ဒွေ၊ နကမ္မေ ဒွေ၊ နဝိပါကေ ဒွေ၊ နမဂ္ဂေ ဧကံ၊ နဝိပ္ပယုတ္တေ ဒွေ.

တိကံ

နပုရေဇာတပစ္စယာ နဟေတုပစ္စယာ နအဓိပတိယာ ဧကံ၊ နပစ္ဆာဇာတေ ဧကံ၊ နအာသေဝနေ ဧကံ၊ နကမ္မေ ဧကံ၊ နဝိပါကေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဧကံ (သံခိတ္တံ).

နပစ္ဆာဇာတာဒိဒုကာနိ

၂၀. နပစ္ဆာဇာတပစ္စယာ။ နအာသေဝနပစ္စယာ။ နကမ္မပစ္စယာ နဟေတုယာ ဒွေ၊ နအဓိပတိယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နဝိပါကေ တီဏိ၊ နမဂ္ဂေ ဒွေ၊ နဝိပ္ပယုတ္တေ ဒွေ.

တိကံ

နကမ္မပစ္စယာ နဟေတုပစ္စယာ နအဓိပတိယာ ဒွေ၊ နပုရေဇာတေ ဧကံ၊ နပစ္ဆာဇာတေ ဒွေ၊ နအာသေဝနေ ဒွေ၊ နဝိပါကေ ဒွေ၊ နမဂ္ဂေ ဒွေ၊ နဝိပ္ပယုတ္တေ ဧကံ။ပေ။.

ပဉ္စကံ

နကမ္မပစ္စယာ နဟေတုပစ္စယာ နအဓိပတိပစ္စယာ နပုရေဇာတပစ္စယာ နပစ္ဆာဇာတေ ဧကံ၊ နအာသေဝနေ ဧကံ၊ နဝိပါကေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဧကံ (သံခိတ္တံ).

နဝိပါကဒုကံ

၂၁. နဝိပါကပစ္စယာ နဟေတုယာ ဒွေ၊ နအဓိပတိယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နမဂ္ဂေ ဒွေ၊ နဝိပ္ပယုတ္တေ ဒွေ.

နဝိပါကပစ္စယာ (နကမ္မပစ္စယသဒိသံ).

နဈာနဒုကံ

၂၂. နဈာနပစ္စယာ နဟေတုယာ တီဏိ၊ နအဓိပတိယာ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နမဂ္ဂေ တီဏိ။ပေ။.

ဆက္ကံ

နဈာနပစ္စယာ နဟေတုပစ္စယာ နအဓိပတိပစ္စယာ နပစ္ဆာဇာတပစ္စယာ နအာသေဝနပစ္စယာ နမဂ္ဂေ တီဏိ (သံခိတ္တံ).

နမဂ္ဂဒုကံ

၂၃. နမဂ္ဂပစ္စယာ နဟေတုယာ တီဏိ၊ နအဓိပတိယာ တီဏိ၊ နပုရေဇာတေ ဧကံ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ ဒွေ၊ နဝိပါကေ ဒွေ၊ နဈာနေ တီဏိ၊ နဝိပ္ပယုတ္တေ ဧကံ.

တိကံ

နမဂ္ဂပစ္စယာ နဟေတုပစ္စယာ နအဓိပတိယာ တီဏိ၊ နပုရေဇာတေ ဧကံ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ ဒွေ၊ နဝိပါကေ ဒွေ၊ နဈာနေ တီဏိ၊ နဝိပ္ပယုတ္တေ ဧကံ။ပေ။.

ပဉ္စကံ

နမဂ္ဂပစ္စယာ နဟေတုပစ္စယာ နအဓိပတိပစ္စယာ နပုရေဇာတပစ္စယာ နပစ္ဆာဇာတေ ဧကံ၊ နအာသေဝနေ ဧကံ၊ နကမ္မေ ဧကံ၊ နဝိပါကေ ဧကံ၊ နဝိပ္ပယုတ္တေ ဧကံ (သံခိတ္တံ).

နဝိပ္ပယုတ္တဒုကံ

၂၄. နဝိပ္ပယုတ္တပစ္စယာ နဟေတုယာ ဧကံ၊ နအဓိပတိယာ ဒွေ၊ နပုရေဇာတေ ဒွေ၊ နပစ္ဆာဇာတေ ဒွေ၊ နအာသေဝနေ ဒွေ၊ နကမ္မေ ဒွေ၊ နဝိပါကေ ဒွေ၊ နမဂ္ဂေ ဧကံ.

တိကံ

နဝိပ္ပယုတ္တပစ္စယာ နဟေတုပစ္စယာ နအဓိပတိယာ ဧကံ၊ နပုရေဇာတေ ဧကံ၊ နပစ္ဆာဇာတေ ဧကံ၊ နအာသေဝနေ ဧကံ၊ နကမ္မေ ဧကံ၊ နဝိပါကေ ဧကံ၊ နမဂ္ဂေ ဧကံ။ပေ။.

နဝကံ

နဝိပ္ပယုတ္တပစ္စယာ နဟေတုပစ္စယာ နအဓိပတိပစ္စယာ နပုရေဇာတပစ္စယာ နပစ္ဆာဇာတပစ္စယာ နအာသေဝနပစ္စယာ နကမ္မပစ္စယာ နဝိပါကပစ္စယာ နမဂ္ဂေ ဧကံ (သံခိတ္တံ).

ပစ္စနီယဂဏနာ.

၃. ပစ္စယာနုလောမပစ္စနီယံ

ဟေတုဒုကံ

၂၅. ဟေတုပစ္စယာ နအဓိပတိယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဝိပ္ပယုတ္တေ ဒွေ.

တိကံ

ဟေတုပစ္စယာ အာရမ္မဏပစ္စယာ နအဓိပတိယာ တီဏိ၊ နပုရေဇာတေ ဒွေ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဝိပ္ပယုတ္တေ ဒွေ.

(ယထာ ကုသလတ္တိကံ၊ ဧဝံ ဂဏေတဗ္ဗံ.)

အနုလောမပစ္စနီယံ.

၄. ပစ္စယပစ္စနီယာနုလောမံ

နဟေတုဒုကံ

၂၆. နဟေတုပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ ဒွေ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ ဒွေ၊ မဂ္ဂေ ဧကံ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ.

တိကံ

နဟေတုပစ္စယာ နအဓိပတိပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ ဒွေ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ ဒွေ၊ မဂ္ဂေ ဧကံ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ.

စတုက္ကံ

နဟေတုပစ္စယာ နအဓိပတိပစ္စယာ နပုရေဇာတပစ္စယာ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဧကံ၊ အာသေဝနေ ဧကံ၊ ကမ္မေ ဧကံ၊ ဝိပါကေ ဧကံ၊ အာဟာရေ ဧကံ၊ ဣန္ဒြိယေ ဧကံ၊ ဈာနေ ဧကံ၊ မဂ္ဂေ ဧကံ၊ သမ္ပယုတ္တေ ဧကံ၊ ဝိပ္ပယုတ္တေ ဧကံ၊ အတ္ထိယာ ဧကံ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကံ။ပေ။.

သတ္တကံ

နဟေတုပစ္စယာ နအဓိပတိပစ္စယာ နပုရေဇာတပစ္စယာ နပစ္ဆာဇာတပစ္စယာ နအာသေဝနပစ္စယာ နကမ္မပစ္စယာ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဧကံ၊ အာဟာရေ ဧကံ၊ ဣန္ဒြိယေ ဧကံ၊ ဈာနေ ဧကံ၊ သမ္ပယုတ္တေ ဧကံ၊ အတ္ထိယာ ဧကံ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကံ။ပေ။.

ဒသကံ

နဟေတုပစ္စယာ နအဓိပတိပစ္စယာ။ပေ။ နကမ္မပစ္စယာ နဝိပါကပစ္စယာ နမဂ္ဂပစ္စယာ နဝိပ္ပယုတ္တပစ္စယာ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဧကံ၊ အာဟာရေ ဧကံ၊ ဣန္ဒြိယေ ဧကံ၊ ဈာနေ ဧကံ၊ သမ္ပယုတ္တေ ဧကံ၊ အတ္ထိယာ ဧကံ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကံ (သံခိတ္တံ).

နဟေတုမူလကံ.

နအဓိပတိဒုကံ

၂၇. နအဓိပတိပစ္စယာ ဟေတုယာ တီဏိ။ပေ။ အဝိဂတေ တီဏိ (သံခိတ္တံ).

နပုရေဇာတဒုကံ

၂၈. နပုရေဇာတပစ္စယာ ဟေတုယာ ဒွေ။ပေ။ အဝိဂတေ ဒွေ (သံခိတ္တံ).

နပစ္ဆာဇာတာဒိဒုကာနိ

၂၉. နပစ္ဆာဇာတပစ္စယာ။ နအာသေဝနပစ္စယာ။ နကမ္မပစ္စယာ။ နဝိပါကပစ္စယာ ဟေတုယာ တီဏိ။ပေ။ အဝိဂတေ တီဏိ (သံခိတ္တံ).

နဈာနဒုကံ

၃၀. နဈာနပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ (သံခိတ္တံ).

နမဂ္ဂဒုကံ

၃၁. နမဂ္ဂပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ။ပေ။ အာသေဝနေ ဧကံ၊ ကမ္မေ တီဏိ။ပေ။ ဈာနေ ဒွေ။ပေ။ အဝိဂတေ တီဏိ (သံခိတ္တံ).

နဝိပ္ပယုတ္တဒုကံ

၃၂. နဝိပ္ပယုတ္တပစ္စယာ ဟေတုယာ ဒွေ၊ အာရမ္မဏေ ဒွေ၊ အဓိပတိယာ ဒွေ၊ အနန္တရေ ဒွေ၊ သမနန္တရေ ဒွေ၊ သဟဇာတေ ဒွေ၊ အညမညေ ဒွေ၊ နိဿယေ ဒွေ၊ ဥပနိဿယေ ဒွေ၊ အာသေဝနေ ဒွေ၊ ကမ္မေ ဒွေ၊ ဝိပါကေ ဒွေ၊ အာဟာရေ ဒွေ၊ ဣန္ဒြိယေ ဒွေ၊ ဈာနေ ဒွေ၊ မဂ္ဂေ ဒွေ၊ သမ္ပယုတ္တေ ဒွေ၊ အတ္ထိယာ ဒွေ၊ နတ္ထိယာ ဒွေ၊ ဝိဂတေ ဒွေ၊ အဝိဂတေ ဒွေ.

တိကံ

နဝိပ္ပယုတ္တပစ္စယာ နဟေတုပစ္စယာ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဧကံ၊ အာသေဝနေ ဧကံ၊ ကမ္မေ ဧကံ၊ အာဟာရေ ဧကံ၊ ဣန္ဒြိယေ ဧကံ၊ ဈာနေ ဧကံ၊ မဂ္ဂေ ဧကံ၊ သမ္ပယုတ္တေ ဧကံ၊ အတ္ထိယာ ဧကံ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကံ။ပေ။.

ဒသကံ

နဝိပ္ပယုတ္တပစ္စယာ နဟေတုပစ္စယာ နအဓိပတိပစ္စယာ နပုရေဇာတပစ္စယာ နပစ္ဆာဇာတပစ္စယာ နအာသေဝနပစ္စယာ နကမ္မပစ္စယာ နဝိပါကပစ္စယာ နမဂ္ဂပစ္စယာ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဧကံ၊ အာဟာရေ ဧကံ၊ ဣန္ဒြိယေ ဧကံ၊ ဈာနေ ဧကံ၊ သမ္ပယုတ္တေ ဧကံ၊ အတ္ထိယာ ဧကံ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကံ.

ပစ္စနီယာနုလောမံ.

ပဋိစ္စဝါရော.

၂. သဟဇာတဝါရော

၃၃. သုခါယ ဝေဒနာယ သမ္ပယုတ္တံ ဓမ္မံ သဟဇာတော။ပေ။.

၃. ပစ္စယဝါရော

၃၄. သုခါယ ဝေဒနာယ သမ္ပယုတ္တံ ဓမ္မံ ပစ္စယာ။ပေ။.

၄. နိဿယဝါရော

၃၅. သုခါယ ဝေဒနာယ သမ္ပယုတ္တံ ဓမ္မံ နိဿာယ။ပေ။.

၅. သံသဋ္ဌဝါရော

၃၆. သုခါယ ဝေဒနာယ သမ္ပယုတ္တံ ဓမ္မံ သံသဋ္ဌော။ပေ။.

၆. သမ္ပယုတ္တဝါရော

၃၇. သုခါယ ဝေဒနာယ သမ္ပယုတ္တံ ဓမ္မံ သမ္ပယုတ္တော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သုခါယ ဝေဒနာယ သမ္ပယုတ္တံ ဧကံ ခန္ဓံ သမ္ပယုတ္တာ ဒွေ ခန္ဓာ၊ ဒွေ ခန္ဓေ သမ္ပယုတ္တော ဧကော ခန္ဓော (သံခိတ္တံ).