၂. သင်္ချာဝါရော

သုဒ္ဓံ

၈၆. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ၊ နအနန္တရေ နဝ၊ နသမနန္တရေ နဝ၊ နသဟဇာတေ နဝ၊ နအညမညေ နဝ၊ နနိဿယေ နဝ၊ နဥပနိဿယေ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ နဝ၊ နဝိပါကေ နဝ၊ နအာဟာရေ နဝ၊ နဣန္ဒြိယေ နဝ၊ နဈာနေ နဝ၊ နမဂ္ဂေ နဝ၊ နသမ္ပယုတ္တေ နဝ၊ နဝိပ္ပယုတ္တေ နဝ၊ နောအတ္ထိယာ နဝ၊ နောနတ္ထိယာ နဝ၊ နောဝိဂတေ နဝ၊ နောအဝိဂတေ နဝ.

နဟေတုဒုကံ

၈၇. နဟေတုပစ္စယာ နအာရမ္မဏေ နဝ။ပေ။ နောအဝိဂတေ နဝ.

တိကံ

နဟေတုပစ္စယာ နအာရမ္မဏပစ္စယာ နအဓိပတိယာ နဝ။ပေ။ နဥပနိဿယေ အဋ္ဌ။ပေ။ နောအဝိဂတေ နဝ။ပေ။.

တေဝီသကံ

နဟေတုပစ္စယာ နအာရမ္မဏပစ္စယာ။ပေ။ နဥပနိဿယပစ္စယာ နပုရေဇာတပစ္စယာ နပစ္ဆာဇာတပစ္စယာ နအာသေဝနပစ္စယာ နဝိပါကပစ္စယာ နအာဟာရပစ္စယာ။ပေ။ နောအဝိဂတေ အဋ္ဌ.

နဟေတုမူလကံ.

(ယထာ ကုသလတ္တိကဿ ပစ္စနီယဂဏနာ ဂဏိတာ၊ ဧဝံ ဣဒမ္ပိ အသမ္မုယှန္တေန သဗ္ဗံ မူလကံ ဂဏေတဗ္ဗံ [ဂဟေတဗ္ဗံ (သျာ.)].)

ပစ္စနီယံ.