(၁၁၄) ၉. ဓမ္မဋ္ဌိတတာကထာ

၆၂၇. ဓမ္မဋ္ဌိတတာ ပရိနိပ္ဖန္နာတိ? အာမန္တာ. တာယ ဌိတတာ ပရိနိပ္ဖန္နာတိ? န ဟေဝံ ဝတ္တဗ္ဗေ။ပေ။ တာယ ဌိတတာ ပရိနိပ္ဖန္နာတိ? အာမန္တာ. တာယ တာယေဝ နတ္ထိ ဒုက္ခဿန္တကိရိယာ၊ နတ္ထိ ဝဋ္ဋုပစ္ဆေဒေါ၊ နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ။ပေ။.

ရူပဿ ဌိတတာ ပရိနိပ္ဖန္နာတိ? အာမန္တာ. တာယ ဌိတတာ ပရိနိပ္ဖန္နာတိ? န ဟေဝံ ဝတ္တဗ္ဗေ။ပေ။ တာယ ဌိတတာ ပရိနိပ္ဖန္နာတိ? အာမန္တာ. တာယ တာယေဝ နတ္ထိ ဒုက္ခဿန္တကိရိယာ၊ နတ္ထိ ဝဋ္ဋုပစ္ဆေဒေါ၊ နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ။ပေ။.

ဝေဒနာယ ဌိတတာ။ပေ။ သညာယ ဌိတတာ။ပေ။ သင်္ခါရာနံ ဌိတတာ။ပေ။ ဝိညာဏဿ ဌိတတာ ပရိနိပ္ဖန္နာတိ? အာမန္တာ. တာယ ဌိတတာ ပရိနိပ္ဖန္နာတိ? န ဟေဝံ ဝတ္တဗ္ဗေ။ပေ။ တာယ ဌိတတာ ပရိနိပ္ဖန္နာတိ? အာမန္တာ. တာယ တာယေဝ နတ္ထိ ဒုက္ခဿန္တကိရိယာ၊ နတ္ထိ ဝဋ္ဋုပစ္ဆေဒေါ၊ နတ္ထိ အနုပါဒါပရိနိဗ္ဗာနန္တိ? န ဟေဝံ ဝတ္တဗ္ဗေ။ပေ။.

ဓမ္မဋ္ဌိတတာကထာ နိဋ္ဌိတာ.