၅. စိတ္တာဂါရဝဂ္ဂ၊ ၉-၁၀. နဝမ၊ ဒသမ သိက္ခာပုစ္ဆာ
ပုစ္ဆာ – တိရစ္ဆာနဝိဇ္ဇံ အာဝုသော ပရိယာပုဏန္တိယာ စ ဝါစေန္တိယာ စ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ.
ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော တိရစ္ဆာနဝိဇ္ဇံ ပရိယာပုဏိံသုစေဝ ဝါစေသုဉ္စ၊ တသ္မိံ ဘန္တေ ဝတ္ထုသ္မိံ ပညတ္တံ.
ပုစ္ဆာ – ဘိက္ခု ပန အာဝုသော တာဒိသံ တိရစ္ဆာနဝိဇ္ဇံ ပရိယာပုဏန္တော စ ဝါစေန္တော စ ကိံ နာမ အာပတ္တိံ အာပဇ္ဇတိ.
ဝိဿဇ္ဇနာ – ဒုက္ကဋံ ဘန္တေ အာပတ္တိံ အာပဇ္ဇတိ.