ဘိက္ခုနီဝိဘင်္ဂ
၅. ပဉ္စမ ပါရာဇိက သိက္ခာပုစ္ဆာ
ပုစ္ဆာ – ဘိက္ခုနီနံ အာဝုသော ပဉ္စမ ပါရာဇိကံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ.
ဝိဿဇ္ဇနာ – သာဝတ္ထိယံ ဘန္တေ သုန္ဒရီနန္ဒံ ဘိက္ခုနိံ အာရဗ္ဘ ပညတ္တံ၊ သုန္ဒရီနန္ဒာ ဘန္တေ ဘိက္ခုနီ အဝဿုတာ အဝဿုတဿ ပုရိသပုဂ္ဂလဿ ကာယသံသဂ္ဂံ သာဒိယိ၊ တသ္မိံ ဘန္တေ ဝတ္ထုသ္မိံ ပညတ္တံ.
ဘိက္ခုနီဝိဘင်္ဂ၊ သံဃာဒိသေသ သိက္ခာပုစ္ဆာ
ပုစ္ဆာ – ဥဿယဝါဒိကာယ အာဝုသော ဘိက္ခုနိယာ အဍ္ဍံ ကရောန္တိယာ သံဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော.
ဝိဿဇ္ဇနာ – သာဝတ္ထိယံ ဘန္တေ တုလ္လနန္ဒံ ဘိက္ခုနိံ အာရဗ္ဘ ပညတ္တော၊ ထုလ္လနန္ဒာ ဘန္တေ ဘိက္ခုနီ ဥဿယဝါဒိကာ ဝိဟရိ၊ တသ္မိံ ဘန္တေ ဝတ္ထုသ္မိံ ပညတ္တော.
ပုစ္ဆာ – စောရိံ အာဝုသော ဝုဋ္ဌာပေန္တိယာ သံဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော.
ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တော၊ ထုလ္လနန္ဒာ ဘန္တေ ဘိက္ခုနီ စောရိံ ဝုဋ္ဌာပေသိ၊ တသ္မိံ ဘန္တေ ဝတ္ထုသ္မိံ ပညတ္တော.
ပုစ္ဆာ – ဧကာယ အာဝုသော ဂါမန္တရံ ဂစ္ဆန္တိယာ သံဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော.
ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုနိံ အာရဗ္ဘ ပညတ္တော၊ အညတရာ ဘန္တေ ဘိက္ခုနီ ဧကာ ဂါမန္တရံ ဂစ္ဆိ၊ တသ္မိံ ဘန္တေ ဝတ္ထုသ္မိံ ပညတ္တော.
ပုစ္ဆာ – အဝဿုတာယ အာဝုသော ဘိက္ခုနိယာ အဝဿုတဿ ပုရိသပုဂ္ဂလဿ ဟတ္ထတော ခါဒနီယံဝါ ဘောဇနီယံဝါ သဟတ္ထာ ပဋိဂ္ဂဟေတွာ ဘုဉ္ဇန္တဿ သံဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော.
ဝိဿဇ္ဇနာ – သာဝတ္ထိယံ ဘန္တေ သုန္ဒရီနန္ဒံ ဘိက္ခုနိံ အာရဗ္ဘ ပညတ္တော၊ သုန္ဒရီနန္ဒာ ဘန္တေ ဘိက္ခုနီ အဝဿုတာ အဝဿုတဿ ပုရိသပုဂ္ဂလဿ ဟတ္ထတော အာမိသံ ပဋိဂ္ဂဟေသိ တသ္မိံ ဘန္တေ ဝတ္ထုသ္မိံ ပညတ္တော.
ပုစ္ဆာ – ကုပိတာယ အာဝုသော အနတ္တမနာယ ဘိက္ခုနိယာ ယာဝတတိယံ သမနုဘာသန္တိယာ န ပဋိနိသဇ္ဇန္တိယာ သံဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော.
ဝိဿဇ္ဇနာ – သာဝတ္ထိယံ ဘန္တေ စဏ္ဍကာဠိံ ဘိက္ခုနိံ အာရဗ္ဘ ပညတ္တော၊ စဏ္ဍကာဠီ ဘန္တေ ဘိက္ခုနီ ကုပိတာ အနတ္တမနာ ဧဝံ အဘဏိ၊ ဗုဒ္ဓံ ပစ္စာစိက္ခာမိ၊ ဓမ္မံ ပစ္စာစိက္ခာမိ၊ သံဃံ ပစ္စာစိက္ခာမိ၊ သိက္ခံ ပစ္စာစိက္ခာမိ၊ ကိန္နုမာဝ သမဏိယော ယာ သမဏိယော သကျဓီတရော၊ သန္တညာပိ သမဏိယော လဇ္ဇိနိယော ကုက္ကုစ္စိကာ သိက္ခာကာမာ၊ တာသာဟံ သန္တိကေ ဗြဟ္မစရိယံ စရိဿာမီတိ၊ တသ္မိံ ဘန္တေ ဝတ္ထုသ္မိံ ပညတ္တော.
ပုစ္ဆာ – ကဿ အာဝုသော ဝစနံ.
ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ.
ပုစ္ဆာ – ကေနာဝုသော အာဘတံ.
ဝိဿဇ္ဇနာ – ပရမ္ပရာယ ဘန္တေ အာဘတံ.
ပုစ္ဆာ – အတ္ထိ နုခေါ အာဝုသော ဧတ္ထ ကောစိပိ ဝိရဒ္ဓဒေါသော.
ဝိဿဇ္ဇနာ – နတ္ထိ ဘန္တေ.