၁. မုသာဝါဒဝဂ္ဂ၊ ၁. မုသာဝါဒ သိက္ခာပုစ္ဆာ

ပုစ္ဆာ – ယံ တေန အာဝုသော ဘဂဝတာ ဇာနတာ ပဿတာ အရဟတာ သမ္မာသမ္ဗုဒ္ဓေန သမ္ပဇာနမုသာဝါဒေ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ.

ဝိဿဇ္ဇနာ – သာဝတ္ထိယံ ဘန္တေ ပညတ္တံ၊ ဟတ္ထကံ သကျပုတ္တံ အာရဗ္ဘ ပညတ္တံ၊ ဟတ္ထကော ဘန္တေ သကျပုတ္တော တိတ္ထိယေဟိ သဒ္ဓိံ သလ္လပန္တော အဝဇာနိတွာ ပဋိဇာနာတိ ပဋိဇာနိတွာ အဝဇာနာတိ၊ တသ္မိံ ဘန္တေ ဝတ္ထုသ္မိံ ပညတ္တံ.