၁. မုသာဝါဒဝဂ္ဂေါ၊ ၂-၃. ဩမသဝါဒ၊ ပေသုည သိက္ခာပုစ္ဆာ

ပုစ္ဆာ – ဩမသဝါဒေ ပါစိတ္တိယဉ္စ အာဝုသော ဘိက္ခုပေသုညေ ပါစိတ္တိယဉ္စ ဘဂဝတာ ကတ္ထပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ.

ဝိဿဇ္ဇနာ – သာဝတ္ထိယံ ဘန္တေ ပညတ္တံ၊ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူဟိ သဒ္ဓိံ ဘဏ္ဍန္တာ ဩမသိံသု တသ္မိံစ ဝတ္ထုသ္မိံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူနံ ဘဏ္ဍနဇာတာနံ ကလဟဇာတာနံ ဝိဝါဒါပန္နာနံ ပေသုညံ ဥပသံဟရိံသု၊ တသ္မိံ ဘန္တေ ဝတ္ထုသ္မိံ ပညတ္တံ.