၇. ဝိဟာရကာရ သံဃာဒိသေသ သိက္ခာပုစ္ဆာ
ပုစ္ဆာ – ယံ တေန အာဝုသော။ပေ။ သမ္မာသမ္ဗုဒ္ဓေန မဟလ္လကံ ဝိဟာရံ ကာရာပေန္တဿ သံဃာဒိသေသော ကတ္ထ ပညတ္တော.
ဝိဿဇ္ဇနာ – ကောသမ္ဗိယံ ဘန္တေ.
ပုစ္ဆာ – ကံ အာဝုသော အာရဗ္ဘ ပညတ္တော.
ဝိဿဇ္ဇနာ – အာယသ္မန္တံ ဘန္တေ ဆန္နတ္ထေရံ အာရဗ္ဘ ပညတ္တော.
ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တော.
ဝိဿဇ္ဇနာ – အာယသ္မာ ဘန္တေ ဆန္နော ဝိဟာရဝတ္ထုံ သောဓေန္တော အညတရံ စေတိယရုက္ခံ ဆေဒါပေသိ ဂါမပူဇိတံ နိဂမပူဇိတံ နဂရ ပူဇိတံ ဇနပဒပူဇိတံ ရဋ္ဌပူဇိတံ၊ တသ္မိံ ဘန္တေ ဝတ္ထုသ္မိံ ပညတ္တော.