၁၂. သတ္တသတိကက္ခန္ဓက
ဒုတိယ သံဂါယနာ
ပုစ္ဆာ – သတ္တသတိကံ ပုစ္ဆိဿံ၊ သနိဒါနံ သနိဒ္ဒေသံ. သမုက္ကဋ္ဌပဒါနံ အာဝုသော ကတိ အာပတ္တိယော.
ဝိဿဇ္ဇနာ – သတ္တသတိကံ ဝိဿဇ္ဇိဿံ၊ သနိဒါနံ သနိဒ္ဒေသံ. သမုက္ကဋ္ဌပဒါနံ ဘန္တေ န ကတမာ အာပတ္တိ.
ပုစ္ဆာ – ကဿ အာဝုသော ဝစနံ.
ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ.
ပုစ္ဆာ – ကေ အာဝုသော သိက္ခန္တိ.
ဝိဿဇ္ဇနာ – သေက္ခာ စ ဘန္တေ ပုထုဇ္ဇနကလျာဏကာ စ သိက္ခန္တိ.
ပုစ္ဆာ – ကေ အာဝုသော သိက္ခိတသိက္ခာ.
ဝိဿဇ္ဇနာ – အရဟန္တော ဘန္တေ သိက္ခိတသိက္ခာ.
ပုစ္ဆာ – ကတ္ထ အာဝုသော ဌိတံ.
ဝိဿဇ္ဇနာ – သိက္ခာကာမေသု ဘန္တေ ဌိတံ.
ပုစ္ဆာ – ကေနာဝုသော အာဘတံ.
ဝိဿဇ္ဇနာ – ပရမ္ပရာယ ဘန္တေ အာဘတံ.