၅၊၁၇၃. ဂမ ယမိ+သာသ ဒိသာနံ ဝါ စ္ဆင

ဧတေသံ ဝါ စ္ဆင ဟောတိ န္တ+မာန+တျာဒီသု. င-နုဗန္ဓတ္တာ အန္တဿ ဟောတိ၊ ဂစ္ဆန္တော ဂစ္ဆမာနော. ယမ=ဥပရမေ၊ ယစ္ဆန္တော ယစ္ဆမာနော. ဣစ္ဆန္တော ဣစ္ဆမာနော. အာသ=ဥပဝေသနေ၊ အစ္ဆန္တော အစ္ဆမာနော၊ ‘‘ဗျဉ္ဇနေ’’စ္စာဒိနာ ရဿော. ဒိသ=အတိသဇ္ဇနေ၊ ဒိစ္ဆန္တော ဒိစ္ဆမာနော. ဝဝတ္ထိတဝိဘာသတ္တာ ဝါသဒ္ဒဿ အညပစ္စယေသု စ ကွစိ၊ ဣစ္ဆီယတီတိ ဣစ္ဆိတဗ္ဗံ၊ ဣစ္ဆနံ ဣစ္ဆာ၊ ‘‘ဣတ္ထိယ+မဏာ’’ ဒိနာ အပ္ပစ္စယော. ဣစ္ဆိတံ၊ ဣစ္ဆိတဗ္ဗံ၊ ဣစ္ဆိတုံ. အညေသဉ္စ ယောဂဝိဘာဂါ၊ ပဝေစ္ဆန္တော.