၅၉. ဂမနတ္ထာ+ကမ္မကာ+ဓာရေ စ

ဂမနတ္ထတော အကမ္မကတော စ ကြိယတ္ထာ အာဓာရေ က္တော ဟောတိ ကတ္တရိ စ ယထာပတ္တဉ္စ. ယာ=ပါပုဏနေ၊ ယာတဝန္တော အသ္မိန္တိ ယာတံ ဌာနံ. ယာတဝန္တော ယာတာ၊ ယာနံ ယာတံ. ဧတ္ထ သန္တမ္ပိ ကမ္မံ အနိစ္ဆိတံ. ယာယိတာတိ ယာတော ပထော. ‘‘ယေ ဂတျတ္ထာ၊ တေ ဗုဒ္ဓျတ္ထာ. ယေ ဗုဒ္ဓျတ္ထာ၊ တေ ဂတျတ္ထာ’’တိ ဝုတ္တတ္တာ တထလက္ခဏံ ယာထာဝတော အာဂတော အဘိသမ္ဗုဒ္ဓေါတိ တထာဂတော ဣတိပိ ဟောတိ. အာသိတဝန္တော အသ္မိန္တိ အာသိတံ. အာသိတဝန္တော အာသိတာ. အာသန+မာသိတံ.